Flash News

Gjendet i pajetë 71-vjeçari nga Kamenica, ishte shpallur i humbur prej tre ditësh

Aksident tragjik në Autostradën “Ibrahim Rugova”, humb jetën një grua nga Fushë-Kruja

Drejtësia amniston Xhaçkën, Apeli i Posaçëm vendosë të mos hetojë ish-ministren

Berisha vlerëson raportin e OSBE: I kanë rrëzuar përtokë zgjedhjet

Gjykata e Lartë kthen për rigjykim ankimimin e Arbër Veliajt

Rajoni

Brukseli paralajmëron Beogradin: Nëse merrni pjesë në paradën e Moskës, harroni BE-në

Politiko 15 Prill 2025, 17:23

Brukseli paralajmëron Beogradin: Nëse merrni pjesë në

Procesi i anëtarësimit të Serbisë në Bashkimin Europian është vënë në pikëpyetje, pas një paralajmërimi të ashpër nga Brukseli. Zyrtarët europianë kanë bërë thirrje që Beogradi të qëndrojë larg Paradës së Fitores më 9 maj në Moskë, duke i kujtuar Beogradit se pjesëmarrja në këtë aktivitet do të ishte e papajtueshme me aspiratat europiane të vendit.

Presidenti serb Aleksandar Vuçiç ka deklaruar se ka folur personalisht me presidentin rus Vladimir Putin dhe se planifikon të marrë pjesë në paradë, duke sfiduar hapur qëndrimin e Brukselit. Kjo deklaratë vjen në një kohë kur Vuçiç përballet me protesta masive në vendin e tij dhe është akuzuar për afrimin gjithnjë e më të ngushtë me Kremlinin.

Ndërkohë, edhe kryeministri sllovak Robert Fico ka konfirmuar praninë e tij në paradë, duke u renditur mes liderëve europianë që sfidojnë vijën zyrtare të BE-së. Nga ana tjetër, zyra e kryeministrit hungarez Viktor Orban—një tjetër figurë e njohur për qasjen e tij euroskeptike—ka deklaruar se nuk do të marrë pjesë në paradë.

Presidenti turk Rexhep Tajip Erdogan, që ka qenë i pranishëm në vitet e kaluara, këtë vit pritet të mos marrë pjesë, pasi ka planifikuar një vizitë zyrtare në Uashington në fillim të majit.

Presidenti amerikan Donald Trump, ndërkohë, mohoi raportet mediatike që sugjeronin një mundësi të pranisë së tij në Moskë, duke theksuar se nuk do të jetë pjesë e eventit që zhvillohet vetëm një ditë pas Ditës së Europës, kur kontinenti feston përfundimin e Luftës së Dytë Botërore.

Pjesëmarrja e liderëve në Paradën e Fitores në Moskë këtë vit shihet si një deklaratë politike më shumë se një homazh historik, duke reflektuar ndarjet e thelluara mes vendeve europiane dhe ndikimin e vazhdueshëm të luftës në Ukrainë në diplomacinë ndërkombëtare.

Të fundit