Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Rajoni

Dy të vdekur pas rrëzimit të një avioni ushtarak pranë Parkut Kombëtar Circeo

Politiko 1 Tetor 2025, 13:39

Dy të vdekur pas rrëzimit të një avioni ushtarak pranë

Dy anëtarë të Forcave Ajrore Italiane humbën jetën të mërkurën pas rrëzimit të avionit të tyre T-260B gjatë një stërvitjeje mbi Parkun Kombëtar Circeo, në jug të Romës, pranë qytetit të Sabaudia.

Sipas mediave italiane, ekipet e shpëtimit gjetën rrënojat e avionit që digjeshin dhe trupat e dy viktimave brenda. Avioni u rrëzua pranë njërës prej hyrjeve të parkut, në një zonë të pyllëzuar ku nuk ndodhej askush tjetër në atë moment. Shkaqet e aksidentit mbeten ende të panjohura dhe hetimet për zbardhjen e tyre janë në zhvillim.

Kryeministrja e Italisë, Giorgia Meloni, shprehu ngushëllimet e saj për familjet e viktimave dhe Forcat Ajrore, përmes një postimi në rrjetin “X”:

“Shpreh hidhërimin tim të thellë për aksidentin që i ndodhi një avioni të Forcave Ajrore pranë Parkut Kombëtar Circeo. Ngushëllimet e mia dhe të Qeverisë familjeve të viktimave, Forcave Ajrore dhe të gjithë Ministrisë së Mbrojtjes.”

Rrëzimi i avionit ushtarak ka shkaktuar shqetësim në strukturat e mbrojtjes italiane, ndërsa hetimet për të përcaktuar shkaqet e saktë do të vazhdojnë në ditët në vijim.

Të fundit