Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Rajoni

E pëson edhe Shqipëria, Zaev: Nuk pres hapje të negociatave as në tetor

Politiko 28 Qershor 2021, 17:11

E pëson edhe Shqipëria, Zaev: Nuk pres hapje të negociatave as

Kryeministri i Maqedonisë së Veriut Zoran Zaev ka deklaruar se nuk pret një vendim pozitiv para dhjetorit kur edhe përfundon presidenca sllovene, për nisjen e procesit të negociatave.

“Nuk do të pres tetorin sepse çdo vit në fund të presidencës sillen vendimet. Në qershor nuk kishim, vendimi tjetër është në dhjetor edhe pse në tetor është Samiti për Ballkanin Perëndimor dhe zgjerimin e BE-së. Por nuk pres sepse jemi djegur disa herë unë dhe populli maqedonas” tha Zoran Zaev, duke folur në Samitin për vendet e Ballkanit Perëndimor shkruan Alsat.

Zaev shton se gjatë bisedimeve është vërtetuar se nuk ka pasur negociata për gjuhën dhe identitetin, duke shtuar se dështimi i marrjes së datës për negociata, nuk e motivon për prishjen e qeverisë dhe organizimin e zgjedhjeve të parakohshme parlamentare.

“U vërtetua se nuk bëjmë negociata për gjuhën dhe identitetin maqedonas. U kumtua edhe nga pala bullgare dhe është pjesë e kornizës negociuese. Aty shkruan se përkthimi i legjislacionit të BE-së do të jetë në gjuhën maqedonase dhe pikë. Kjo ishte shumë me rëndësi për ne” theksoi Zoran Zaev.

Pak ditë më parë BE vendosi që të mos hapte negociatat edhe për Shqipërinë për shkak të vetos bullgare për Shkupin. Unioni nuk pranoi që të ndante dy vendet nga vendimi për negociatat duke “djegur” edhe Shqipërinë për konfliktin e Maqedonisë me Bullgarinë.

Të fundit