Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Rajoni

Eksperti për politikat në Ballkan: Situata aktuale në Kosovë është më e keqja në dhjetë vitet e fundit

Politiko 22 Dhjetor 2022, 19:50

Eksperti për politikat në Ballkan: Situata aktuale në Kosovë

“Situata aktuale në Kosovë është më e keqja në dhjetë vitet e fundit”, ka thënë për televizionin N1, Florian Bieber, profesor në Universitetin e Gracit dhe anëtar i Grupit Këshillues për Politikat në Ballkan në Evropë (BiEPAG).

“Po flas për shkallën e urrejtjes së serbëve ndaj shqiptarëve, fjalët e ashpra që përdoren çdo ditë dhe e gjithë kjo krijon një atmosferë në të cilën është e vështirë të imagjinohet pranimi i ndonjë marrëveshjeje që mund të përmbajë njohjen e interesave”, tha Bieber. Ai vlerësoi se kjo në fund të fundit dëmton qytetarët e Kosovës, përfshirë edhe serbët që jetojnë në veri, shkruan EWB. 

Bieber kujtoi se në periudhën e kaluar kishte pasur shumë situata të tensionuara në rrugën Beograd-Prishtinë, por nuk kishte pasur kurrë konflikte të armatosura.

“Prandaj mendoj se mundësitë për një konflikt të armatosur janë mjaft të vogla sepse pala serbe e di që NATO është në Kosovë, ndërsa Prishtina nuk dëshiron të krijojë konflikt. Unë shoh një përshkallëzim, por nuk shoh mundësinë për t'u futur në një konflikt më serioz se sa ata që kemi pasur deri më tani, "tha Bieber.

Ai shtoi se kriza aktuale filloi me konfirmimin e ekzistimit të propozimit franko-gjerman për zgjidhjen e problemit në Kosovë.

“Ajo ishte kur u ngritën tensionet. Atëherë është e qartë se secila palë, veçanërisht Serbia, po përpiqet të rrisë tensionet për të parandaluar një zgjidhje ose për të marrë një pozicion më të mirë në negociata”, tha Bieber, duke shtuar se situata aktuale mund të përshkallëzohet ende në një konflikt të hapur.

 

Të fundit