Flash News

Këmbimi valutor 15 shtator 2024, me sa blihen e shiten sot monedhat e huaja

Reshje shiu dhe shtrëngata, si parashikohet moti për sot

Ambulanca përplas motorin në Tiranë, një i plagosur

Berisha: Rama dhe Balla organizuan atentat ndaj meje, por dështuan

Aktakuza e SPAK, Berisha: Sollën si provë korrupsioni bamirësinë e dhëndrit dhe vajzës sime

Rajoni

Franca dhe Gjermania kërkojnë zgjedhje të reja në veri të Kosovës

Politiko 1 Qershor 2023, 19:27

Franca dhe Gjermania kërkojnë zgjedhje të reja në veri

Zgjedhjet e reja në Veri të Kosovës janë zgjidhja e partnerëve ndërkombëtër për t’i dhënë fund tensioneve të nisura që në 26 maj.  

Presidenti i Francës, Emmanuel Macron, ka thënë se Gjermania dhe Franca u kanë kërkuar Kosovës dhe Serbisë të mbajnë zgjedhje të reja në komunat në veri të Kosovës.

“Franca dhe Gjermania u kërkuan udhëheqësve të Kosovës dhe Serbisë të organizojnë zgjedhje të reja në rajonet e prekura nga trazirat sa më shpejt që të jetë e mundur”, tha Macron.

Ai tha gjatë javëve të ardhshme do të ketë “vendim të qartë” për situatën në veri të Kosovës dhe se për këtë gjë u dakordësuan gjatë takimeve me kancelarin gjerman, Olaf Scholz, dhe liderët lokalë – presidenten e Kosovës, Vjosa Osmanin, dhe presidentin e Serbisë, Aleksandar Vuçiç.

Kujtojmë se situata në veri u tensionua, kur Policia e Kosovës ndihmoi kryetarët shqiptarë të komunave me shumicë serbe të hyjnë në zyrat komunale, përkundër rezistencës së banorëve lokalë.

Kryetarët e rinj shqiptarë të komunave Mitrovicë e Veriut, Zveçan, Zubin Potok dhe Leposaviq kanë dalë nga zgjedhjet e jashtëzakonshme të 23 prillit, të cilat janë bojkotuar nga komuniteti serb.

Të fundit