Flash News

Riaktivizohen zjarret në Darzezë të Fierit, 11 zjarrfikëse në terren

Qeveria propozon ndryshimin e ligjit për turizmin, vilat duhet të licencohen, në të kundërt gjobiten

Raporti i ODIHR për 14 majin, ambasada amerikane: Qeveria dhe partitë politike të zbatojnë rekomandimet

Dhunoi të moshuarin dhe i grabiti paratë, arrestohet i riu në Gramsh

Tre studiues marrin çmimin Nobel për Fizikë

Rajoni

Gazetarja serbe nxjerr blof mediat pro Vuçiçit: Publikuan lajme të pavërteta për gjendjen në Kosovë

Politiko 28 Maj 2023, 16:39

Gazetarja serbe nxjerr blof mediat pro Vuçiçit: Publikuan lajme

Gazetarja serbe Vera Rankoviç ka folur për tensionet në veri të Kosovës, ku ka treguar e si mediet e afërta me pushtetin e Aleksandar Vuçiçit kanë raportuar në mënyrë të pavërtetë rreth gjendjes ndodhur.

Nëpërmjet një shkrimi në “Facebook”, ajo thotë se mediat e presidentit serb kanë raportuar gjasme se qytetarët serbë janë përplasur me forcat e sigurisë së Kosovës.

“Si gazetare nuk mund të hesht. Mediat e Vuçiçit janë edhe më keq, duke raportuar se forcat e sigurisë së Kosovës të armatosura rëndë janë ‘përleshur’ me ‘qytetarët serbë’”, shkruan Rankoviç.

“Më duhet të korrigjoj: nuk ishte asnjë shtetas serb, por një bandë me maska të zeza që u përgatitën për trazira dhe qëllimi i tyre ishte të pengonin kryetarët shqiptarë (të cilët ligjërisht, sipas bashkësisë ndërkombëtare, fituan zgjedhjet që serbët vetë i bojkotuan me urdhër të Vuçiçit dhe Radojçiçit) për të ardhur në vendin e tyre të ri të punës”, shton ajo.

Sipas saj, nga këto trazira përfitonte Vuçiçi dhe se kërkon që të mos bëhen titujt nxitës sikurse tabolidi beogradas Informer.

“Sigurisht që policia e Kosovës do të ndërhyjë – kush nuk do të ndërhynte? – që u bë menjëherë shkak në që Vuçiç do ta aktivizonte ushtrinë dhe ta vendoste drejt kufirit [me Kosovën]. Edhe një herë, një gjysmë informacion do të nxiste urrejtje dhe kush përfiton nga kjo veç Vuçiçit?”, pyet Rankoviç.

“Mos përdorni tituj nxitës si Informer”, përfundon gazetarja serbe.

Të fundit