Flash News

Të shtënat me armë në Florida, nëntë persona të plagosur

Apeli i Borrell: Kosova të pezullojë operacionet policore në Veri

Shtëpitë e përmbytura në Kuçovë, banorët apel shtetit

Përfundon protesta e serbëve në Zubin Potok

YouTube ndryshon strategji lidhur me reklamat televizive

Rajoni

Gjermania në “krizë” për punëtorë, kthen sytë nga Ballkani

Politiko 20 Mars 2023, 10:09

Gjermania në “krizë” për punëtorë, kthen

Qeveria gjermane do të dyfishojë numrin e punëtorëve nga Ballkani, që pavarësisht kualifikimit të marrin një vizë pune. Sindikatat i tremben fluksit të fuqisë punëtore të lirë nga Ballkani.

Gjermania po përballet me një munges të madhe punëtorësh. Sipas të dhënave të Institutit për Tregun e Punës dhe Studimet e Profesionit (IAB) aktualisht ka 1,98 milionë vende të lira pune në Gjermani, raporton Deutsche Welle.

Në kushtet e një mun gesë të theksuar të krahut t ëpunës, qeveria gjermane ka “kthyer sytë” nga vendet e Ballkanit. Pritet të dyfishohet numri i punëtoëve nga Ballkani të cilët edhe nëse nuk janë të kualifikuar mjaftueshëm, do të mund të marrin një vizë pune.

Qeveria parashikon dy ndryshime themelore: Nga njëra anë kjo rregullore nuk do të jetë më e kufizuar në kohë - rregulloja e deritanishme zgjat deri në fund të vitit 2023 - nga ana tjetër kontigjenti i punëtorëve nga Ballkani do të dyfishohet në 50.000 punëtorë në vit.

Në krizën e viteve 2015 në Gjermani zbarkuan më shumë se 1 milionë refugjatë nga Siria, Iraku e Afganistani përmes itinerarit të Ballkanit. Atyre iu bashkuan edhe njerëz nga 6 vendet e Ballkanit Perëndimor.

Asokohe kërkesat për azil përbënin 30% dhe thuajse të gjitha nuk u pranuan.

Sipas Rregullores së Ballkanit të miratuar asokohe nga qeveria Merkel, lejohej ardhja e refugjatëve, por me plotësimin e dy kritereve: kërkesa për lejen e punës duhet të paraqitej tek përfaqësitë gjermane në këto vende dhe më parë nuk duhej të kishe bërë kërkesë për azil.

Megjithatë, kjo nismë e qeverisë gjermane, duket se po shihte me skepticizëm nga sindikatat të cilat i tremben fluksit të fuqisë punëtore të lirë nga Ballkani.

Të fundit