“Gratë le t'i bëjmë të qajnë vetëm nga të qeshurat”

Ekzekutimi i 26-vjeçares Garyfallia Psarakou në Greqi nga i dashuri, shkaktoi jo pak debat në opinion e gjerë publik, për faktin se erdhi vetëm pak kohë pas ekzekutimit të 20-vjeçares Caroline, nga bashkëshorti i saj, në sy të foshnjës.

 

 

Sipas mediave greke, aktori Thanasis Efthymiadis përmes një postimi në llogarinë e tij personale në Instagram, shpërndau foton e të dashurës së tij shoqëruar me një tekst të gjatë, ku jep mesazhin e tij lidhur me pozitën e grave në shoqëri.

Sipas aktorit grek, ky duhet të jetë qëndrimi i të gjithë burrave, por edhe i të gjithë shoqërisë ndaj seksit femër.

"Gratë ... Le t'i bëjmë të qajnë vetëm nga të qeshurat !! (fragment nga libri Një ditë e bukur). Unë shpesh mendoj: Zoti im, si kanë arritur besimet e tua të të paraqesin si gjysmë zemre për kaq shumë mijëvjeçarë? Pse shumica e feve që njoh tregojnë se ju u jepni më shumë të drejta burrave? Pse lejohet që vetëm burrat të jenë përfaqësuesit tuaj të shenjtë në tokë? Pse themi "Zot", sikur të ishte Vetëm një njeri?

 

 

A është koha të kuptojmë se shoqëritë patriarkale të mijëra viteve (dhe kur them patriarkale, dua të them burrat por edhe gratë që mbajnë këtë sistem), çojnë vetëm në luftëra mes nesh? Këto (shoqëritë) na kanë futur në një lloj të gabuar të progresit teknologjik të bazuar në shkatërrimin e mjedisit. A është koha të shohim përreth dhe të shohim që patriarkalizmi çon në miliona rrahje dhe abuzime seksuale që ndodhin çdo ditë në të gjithë botën në dëm të grave?

Jemi në vitin 2021 dhe akoma burrat po rrahin gratë dhe fëmijët e tyre në planetin e civilizuar Tokë ... Mjaft. Deri më tani Po, koha ka ardhur. Si baba i dy vajzave, jam i kënaqur që shumë burra më në fund po thyejnë heshtjen dhe po pranojnë traumën që të gjithë kemi nevojë për të shëruar së bashku", ka shkruar Thanasis Efthymiadis në postim.