Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Rajoni

Heqja e vetos, Bullgaria: Anëtarësimi është në dorën e RMV-së, të përmbushë zotimet

Politiko 25 Qershor 2022, 17:13

Heqja e vetos, Bullgaria: Anëtarësimi është në

Parlamenti bullgari votoi dje propozimet e Presidencës franceze të cilat i hapin rrugë heqjes së vetos ndaj Maqedonisë së Veriut dhe çeljes së negociatave për anëtarësim në BE.

Ministria e Jashtme bullgare deklaron se është e gatshme të vijojë me miratimin e propozimeve të Parisit, ndërsa thekson se është në dorën e Maqedonisë së Veriut se sa do të zgjasë përfshirja në radhët e unionit.

“Jemi të gatshëm të vazhdojmë me nënshkrimin e Protokollit sipas nenit 12 të Traktatit për miqësi, fqinjësi të mirë dhe bashkëpunim me Republikën e Maqedonisë së Veriut. Është radha e faktorëve përgjegjës në vendin tonë fqinj që të tregojnë jo me fjalë por me vepra përkushtimin dhe dëshirën e tyre për të ardhmen evropiane të tyre dhe të rajonit. Nga kjo varet shpejtësia me të cilën Republika e Maqedonisë së Veriut do t'i afrohet anëtarësimit në Bashkimin Evropian dhe nuk do të vonohet nëse vendi i përmbush zotimet e veta për vlerat evropiane dhe marrëdhëniet e mira fqinjësore”, shkruan ministria bullgare.

Miratimi i propozimeve të presidentit francez Emmanuel Macron u bë përmes një projektvendimi të dorëzuar nga bashkëkryetari i “Bullgarisë Demokratike” Hristo Ivanov, në të cilën thuhet se “Bullgaria do të mbështesë Maqedoninë e Veriut në çdo hap të procesit të integrimit në specifikimin e kornizës negociuese dhe konkluzioneve të Këshillit për të siguruar përfshirjen e bullgarëve në kushtetutën maqedonase ku përmenden popujt e tjerë dhe në kushte të barabarta me këta popuj”.

Tanimë është në dorën e qeverisë dhe kryeministrit të shkarkuar Kiril Petkov, për të vendosur ose jo heqjen e vetos ndaj RMV-së, çka do të thoshte edhe çlirim për Shqipërinë.

Ndërkohë Shkupi nuk e ka mirëpritur këtë vendim. Ministri i Punëve të Jashtme, Bujar Osmani, tha se qëndrimet tona janë dërguar në presidencën franceze dhe se në periudhën e ardhshme duhet parë se çfarë zgjidhje do të vijë.

“Pas këtij vendimi të parlamentit bullgar dhe qëndrimit tonë të prezantuar dje zyrtarisht dhe publikisht nga kryeministri Kovaçevski, dhe më parë edhe nga presidenca franceze, do të shohim se çfarë qasje do të ketë Presidenca franceze”, tha Osmani.

 

Të fundit