Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Rajoni

Ish-presidenti i Kroacisë: Serbia s'mund ta pushtojë Kosovën me ushtrinë e saj dhe as t’i imponojë zgjidhje

Politiko 22 Shtator 2021, 09:49

Ish-presidenti i Kroacisë: Serbia s'mund ta pushtojë Kosovën

Stjepan Mesiç

Ish-presidenti i Kroacisë, Stjepan Mesiç ka folur për raportet midis Kosovës dhe Serbisë. Ai ka thënë se Serbia paraqet vështrirësi për rajonin, duke argumentuar se "nuk e ka ulur ende kokën".

Sipas tij, Serbia duhet t'i hapë rrugë bashkëpunimit me fqinjët. Mesiç tha për "Radio Europa e Lirë" se Serbia, as nuk mund ta pushtojë Kosovën me ushtrinë e saj dhe as nuk mund t’i imponojë zgjidhje të saj.

Ai ka shtuar se nuk ka më mundësi që të ndryshohet diçka në marrëdhëniet midis Serbisë dhe Kosovës, duke theksuar se kjo e fundit është njohur në masë të madhe.

Edhe shtetet që nuk e kanë njohur, do ta bëjnë shumë shpejt këtë, tha ish-kreu i shtetit të Kroacisë.

Mesiç shtoi se nëse Serbia, për arsye të brendshme, nuk mund ta njohë Kosovën, të paktën të lejojë që në kufi të kalojë kapitali dhe të bëhet bashkëpunim ekonomik që njerëzit të mos kenë probleme për të kaluar kufirin.

"Vështirësia e rajonit tonë është se Serbia, si shoqëri, nuk ka pasur sukses në atë që kanë kuptuar gjermanët pas Luftës së Dytë Botërore. Nuk e kanë kuptuar se kanë ndjekur ide që kanë qenë të paarritshme. Gjermanët kanë ulur kokën. Serbia, për fat të keq, nuk e ka ulur kokën.

Askush në Serbi nuk guxon të thotë se Kosova është çështje teknike për Serbinë. Serbia, as nuk mund ta pushtojë Kosovën me ushtrinë e saj, as nuk mund t’i imponojë Kosovës zgjidhje të saj.

Kosova është e njohur në masë të madhe. Të tjerët që nuk e kanë pranuar, do ta bëjnë këtë. Kjo shkon me rrjedhën e vet. Do të ishte mirë sikur të kishte më shumë informacione në Serbi, që shoqëria të kuptojë se politika e Sllobodan Millosheviqit ka qenë e gabuar dhe tani duhet pranuar realiteti. Dhe, realitet është pavarësia e Malit të Zi, pavarësia e republikave të tjera që janë bërë të pavarura pas rënies së Jugosllavisë, por realitet është edhe ekzistenca e Kosovës.

Nëse Serbia, për arsye të brendshme, nuk mund ta njohë Kosovën, ajo mund të bëjë diçka tjetër. Mund të lejojë që në kufirin midis Serbisë dhe Kosovës të kalojë kapitali, qytetarët, kompanitë, të bëhet bashkëpunim ekonomik, njerëzit të mos kenë probleme për të kaluar kufirin, të stabilizohet... atëherë edhe zgjidhjet do të jenë më të mira", tha ai.

Kujtojmë që në kufirin Kosovë-Serbi ditët e fundit ka pasur tensione për shkak të reziprocitetet për targat e automjeteve. Qeveria e Kosovës vendosi që mjetet serbe të mos hyjnë në kufi pa u pajisur më parë me targa të përkohshme. Ky vendim hasi kundërshtinë e serbëve, të cilët kanë provokuar tensione në kufi.