Flash News

Skandali/ Vidhen 3 dosje të SPAK, kush janë tre prokurorët të cilëve iu morën të dhënat

Vrasja e 22-vjeçares shqiptare në Romë, babai i viktimës: Takova të dashurin, më përqafoi!

KLGJ ‘ndëshkon’ me masa disiplinore dy gjyqtare

Europol kontrolle në banesën e të riut shqiptar, dyshohet për pornografi me të mitur

Raporti i SPAK: Nën hetim 33 ish-zyrtarë të lartë

Rajoni

Komisioni Evropian propozon krijimin e një agjencie policore europiane, drejt formimit të “FBI-së” në BE

Politiko 1 Prill 2025, 17:56

Komisioni Evropian propozon krijimin e një agjencie policore europiane,

Komisioni Evropian ka paraqitur sot në Bruksel një draft të ri për Strategjinë Evropiane të Sigurisë së Brendshme, i cili synon forcimin e rolit të Zyrës së Policisë Evropiane (Europol) dhe agjencive të tjera kryesore për të përballuar kërcënimet e sigurisë brenda Bashkimit Evropian. Ky draft, i prezantuar nga Zëvendëspresidentja Ekzekutive Henna Virkunen dhe Komisioneri për Çështjet e Brendshme Markus Brunner, thekson nevojën për një qasje të re në luftën kundër krimit të organizuar dhe terrorizmit, si dhe adresimin e sfidave që vijnë nga kërcënimet hibride dhe ato kibernetike.

Një nga pikat kyçe të strategjisë është forcimi i bashkëpunimit ndërkombëtar, duke përfshirë Europolin, Eurojust dhe Zyrën e Prokurorit Publik Evropian, për të trajtuar më mirë trafikimin e emigrantëve të paligjshëm dhe terrorizmin. Gjithashtu, Komisioni propozon forcimin e aksesit në të dhënat e koduara të aplikacioneve si WhatsApp dhe Signal, për të mbështetur hetimet ndërkufitare dhe për të garantuar një zbatim më efikas të ligjit.

Sipas Komisionit, kjo strategji synon gjithashtu përmirësimin e sigurisë kibernetike, mbrojtjen e shërbimeve të reve dhe telekomunikacionit, si dhe rritjen e gatishmërisë për të trajtuar kërcënimet kimike, biologjike dhe bërthamore. Në këtë kontekst, strategjia ofron një përgjigje gjithëpërfshirëse ndaj sfidave të sigurisë brendshme dhe nënvizon rëndësinë e përditësimit të instrumenteve ligjore për të siguruar mbrojtjen e të drejtave të qytetarëve evropianë, duke respektuar privatësinë dhe sigurinë e të dhënave personale.

Të fundit