Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Rajoni

Kriza energjetike, Greqia do të kompensojë faturat për të ndihmuar familjet

Politiko 8 Tetor 2021, 17:11

Kriza energjetike, Greqia do të kompensojë faturat për të

Qeveria greke njoftoi të premten fonde shtesë për të mbrojtur familjet nga rritjet e mëtejshme të çmimeve të energjisë elektrike dhe efektet e krizës ndërkombëtare të energjisë që arrijnë në 500 milionë euro, shkruan Kathimerini.

"Në këtë krizë energjetike, ne nuk do të lëmë askënd të pambrojtur," tha Ministri i Mjedisit dhe Energjisë Costas Skrekas në një konferencë shtypi të përbashkët me Ministrin e Financave Christos Staikouras dhe Zëvendës Ministrin e Financave Theodoros Skylakakis.

Sa i përket mbështetjes financiare nga shteti, ajo rritet në 60 nga 30 euro për megavat/orë ç’ka interpretohet se mbështetja e qeverisë është 18 euro në muaj për një familje që konsumon 300 kilovat orë.

Një rritje e mëtejshme e ndihmës nuk përjashtohet, nëse është e nevojshme, thanë ministrat.

Qeveria po zgjeron gjithashtu kriteret e të ardhurave për pagesën e ngrohjes (naftë për ngrohje, gaz natyror, dru zjarri) për të përfshirë më shumë se 1 milion familje.

Shtesa do të rritet me 36% për familjet pa fëmijë në 68% për familjet me tre fëmijë. Rritja mesatare e subvencionit për një familje me katër persona është 59%. Subvencioni minimal do të rritet në 100 nga 80 euro, ndërsa maksimumi nga 650 në 750 euro.

Të fundit