Flash News

Zjarr në Kalanë e Elbasanit, rrezikohen banesat pranë

Zjarr në parkingun e një pallati në Tiranë, policia dhe zjarrfikësja ndërhyjnë për evakuimin e banorëve

Shpërthen bombola në një banesë në Durrës, një i lënduar

Do të kalonin drejt Dubait, Bolonjës dhe Parisit, sekuestrohen mijëra euro dhe lek në Rinas

“Dilni jashtë...”/ Publikohen pamjet nga tragjedia në diskotekën në Maqedoninë e Veriut

Rajoni

Kryeministri i RMV reagon pas zjarrit në klubin e natës: Ditë e vështirë, humbje e pariparueshme

Politiko 16 Mars 2025, 10:44

Kryeministri i RMV reagon pas zjarrit në klubin e natës: Ditë e

Kryeministri i Maqedonisë së Veriut, Hristijan Mickoski ka reaguar pas tragjedisë së rëndë që ndodhin në qytetin e Koçanit, ku për shkak të një zjarri në një klub nate, 51 persona humbën jetën dhe mbi 100 u plagosën.

Në një reagim në Facebook, Mickoski shkruan se sot është një ditë e vështirë dhe e trishtueshme për Maqedoninë e Veriut. Kryeministri i përcolli ngushëllime familjarëve të viktimave.

“Kjo është një ditë e vështirë dhe shumë e trishtueshme për Maqedoninë! Humbja e kaq shumë jetëve të të rinjve është e pariparueshme, dhe dhimbja e familjeve, njerëzve të dashur dhe miqve është e pamatshme. Në këto momente trishtimi të thellë, mendimet tona janë me ata që kanë humbur të dashurit e tyre. Të lënduarve ju uroj shërim të shpejtë, ndërsa familjeve të të ndjerit forcë për ta përballuar këtë humbje të paimagjinueshme”, ka shkruar kryeministri në Facebook.

Kryeministri Mickoski u bën thirrje të gjitha institucioneve kompetente që të marrin masa urgjente për të ndihmuar të lënduarit dhe për të mbështetur familjet e prekura.

“Qeveria është plotësisht e mobilizuar dhe do të bëjë gjithçka që është e nevojshme për të përballuar pasojat dhe për të përcaktuar shkaqet e kësaj tragjedie. Gjatë ditës, pas shqyrtimit të rrethanave pranë institucioneve kompetente, do t’i drejtohem publikut me më shumë informacion për hapat e ndërmarrë. Në këto momente trishtimi të thellë, kur zemrat tona janë thyer me dhimbje për shkak të kësaj tragjedie të tmerrshme, bëj thirrje për unitet, solidaritet, humanizëm dhe përgjegjësi”, thotë Mickoski.

Të fundit