Flash News

Posta e mëngjesit/ Me 2 rreshta: Çfarë pati rëndësi dje në Shqipëri

Nga shpenzimet e ceremonisë te mbishkrimi i varrit, zbardhet testamenti i Papa Françeskut

Vatikani zbulon shkakun e vdekjes së Papa Françeskut: Pësoi goditje në tru

Kush mund të jetë Papa i ardhshëm? 6 emrat e mundshëm

Pse vetëm një parti po bën fushatë në Shqipëri?

Rajoni

Mbi 140 të lënduar nga zjarri në Koçan, disa dërgohen në spitale jashtë vendit

Politiko 17 Mars 2025, 09:47

Mbi 140 të lënduar nga zjarri në Koçan, disa dërgohen

Drejtori i Fondit për Sigurim Shëndetësor në Maqedoninë e Veriut, Sasho Klekovski, ka dhënë detaje të reja mbi numrin e të lënduarve nga tragjedia në diskotekën "Pulse" në Koçan. Ai ka njoftuar se gjatë ditës së djeshme, mbi 140 persona janë pranuar për mjekim si pasojë e zjarrit. Prej tyre, 90 të lënduar janë hospitalizuar në spitale brenda Maqedonisë së Veriut, ndërsa 44 të tjerë janë transferuar për trajtim në spitalet jashtë vendit.

Sipas Klekovskit, 8 persona të tjerë janë të parashikuar të dërgohen në Kroaci dhe Rumani për mjekim të specializuar. Ndërkaq, përhapja e pacientëve nëpër spitale të ndryshme brenda vendit është si më poshtë: 20 të lënduar janë hospitalizuar në Qendrën Klinike, 20 të tjerë në Spitalin Klinik Ship dhe në SPQ 8 Shtatori, 21 në “Shën Naumi i Ohrit”, si dhe 2 pacientë në Spitalin e Përgjithshëm në Koçan dhe në Toksikologji.

Në lidhje me transferimin ndërkombëtar, Klekovski sqaroi se 44 të lënduar janë dërguar jashtë vendit për trajtim mjekësor. Ata janë transferuar në spitalet e Serbisë (17), Bullgarisë (14), Turqisë (9) dhe Greqisë (4). Numrat e pacientëve mund të ndryshojnë për shkak të vazhdimit të transferimeve në spitale të tjera për trajtim më të specializuar.

"Gjendja e të gjithë pacientëve po monitorohet dhe procedurat e mëtutjeshme po vendosen në konsultim me ekipet mjekësore", tha Klekovski.

 

Të fundit