Flash News

Pritet zbërthimi i telefonit të gjetur në burg, Laert Haxhiu rrezikon izolimin në ‘41 biss’

24 mijë fishekë nga Shqipëria në Kretë: Si u shkatërrua rrjeti kriminal nga policia greke?

Fuste dr*gë dhe sende të paligjshme në qeli, arrestohet polici i burgut të Drenovës

Lavrov: NATO po rrezikon vetëshkatërrimin me buxhetin e ri ushtarak

​Kurti e Vuçiç "përballen" nesër në Shkup

Rajoni

Mbyllet fushata, Kosova dhe Maqedonia e Veriut të dielën në zgjedhje lokale

Politiko 16 Tetor 2021, 11:29

Mbyllet fushata, Kosova dhe Maqedonia e Veriut të dielën në

Kosova dhe Maqedonia e Veriut kanë shkuar sot është në heshtje zgjedhore.

Ndërkaq partitë politike në Kosovë mbrëmë kanë përmbyllur fushatën zgjedhore e cila filloi më 16 shtator.

Qytetarët e Kosovës, të dielën do t’i drejtohen kutive të votimit për t’i zgjedhur përfaqësuesit e tyre lokal, asamblistët dhe kryetarët e 38 komunave.

Qendrat e votimit hapen në ora 07:00 dhe mbyllen në ora 19:00, ndërkaq në këto zgjedhje janë 158 kandidatë për postin e kryetarëve të komunave. Në mesin e tyre janë 12 gra në nivel vendi.

Ndërkaq, lista përfundimtare e votuesve për Zgjedhjet Lokale 2021, e cila do të shpërndahet në vendvotime, në ditën e zgjedhjeve më 17 tetor, përmban 1 milion e 885 mijë e 448 emra të votuesve, apo 90 mijë e 586 votues më shumë në krahasim me zgjedhjet e parakohshme për Kuvendin e Kosovës që u mbajtën më 14 shkurt 2021.

Edhe në Maqedoninë e Veriut, të premten në mesnatë u mbyll fushata elektorale për zgjedhjet lokale që do të mbahen të dielën, më 17 tetor.

Fushata elektorale ishte e qetë dhe pa incidente ndërsa partitë politike para qytetarëve kanë prezantuar programet e tyre, që kryesisht kishin të bënin me ofertat për përmirësimin e gjendjes nëpër komunat ku ata jetojnë.

Ndërkohë sot, për shkak të pandemisë  në Maqedoninë e Veriut votojnë 1899 të burgosur, 351 persona në shtëpitë e pleqve dhe 6 të shpërngulur të brendshëm. Po ashtu pritet të votojnë edhe 7.921 persona të sëmurë dhe të pafuqishëm, si dhe 476 persona në izolim ose persona që janë diagnostikuar me Covid-19.

Në këto zgjedhje do të zgjidhen 80 kryetarët e rinj të komunave dhe kryebashkiaku i Shkupit. Në garë janë 303 kandidatë për kryetarë dhe 567 këshilltarë komunalë. 

Të fundit