Flash News

Dy ditë para zgjedhjeve, qeveria fal të gjitha gjobat e vendosura nga Janari 2015 deri në Nëntor 2024

“Giro d’Italia 2025” nesër në Vlorë/ Policia shpall masat e qarkullimit dhe parkimit për qytetarët

Gjendet pas 6 ditësh trupi i pajetë i 29-vjeçarit në Klos

U arrestua pak metra larg SPAK, Prokuroria e Posaçme kërkon17 vite burg për ‘bosin’ e drogës

Starton sot Giro D’Italia, ja akset rrugore që bllokohen në Tiranë nga ora 13:00-18:00

Rajoni

Ministri i Brendshëm i Serbisë: Angazhimi ynë ka parandaluar zbatimin e urdhërarresteve për Dodikun dhe Stevandiç

Politiko 1 Prill 2025, 15:26

Ministri i Brendshëm i Serbisë: Angazhimi ynë ka parandaluar

Ministri në detyrë i Punëve të Brendshme në Serbi, Ivica Daçiq, tha se angazhimi i shtetit të tij ka parandaluar që të zbatohen fletarrestimet për presidentin e entitetit të Republikës Sërpska, Millorad Dodik, dhe kryetarit të Parlamentit të këtij entiteti në Bosnje e Hercegovinë, Nenad Stevandiç.

Sipas njoftimit, kjo ka “ofruar siguri” për qytetarët serbë, pra Dodikun dhe Stevandiçin.

Më 27 mars, Gjykata e Bosnje e Hercegovinës i kërkoi INTERPOL-it të lëshoi një “njoftim të kuq” për Dodikun dhe Stevandiçin, të cilët dyshohen se kanë kryer veprën penale të “sulmit ndaj rendit kushtetues të Bosnje e Hercegovinës”.

Serbia ka dërguar një notë proteste në INTERPOL sa i përket fletarrestimeve për Dodikun dhe Stevandiçin, duke thënë se ato shkelin një nen të statutit që përcakton se çdo veprim nëse ka një sfond politik, ushtarak, fetar ose racor është rreptësisht i ndaluar.

Më 27 mars, Daçiç deklaroi se Dodiku dhe Stevandiqi janë shtetas të Serbisë dhe se fletarrestimeve ndërkombëtare që Bosnja po iu referohej nuk përbënin bazë për veprim pasi nuk kanë kaluar nëpër procesin e verifikimit për të parë nëse janë përmbushur kushtet.

Në njoftimin e 1 prillit tha se kërkesa për fletarrestime ndërkombëtare aktualisht është në fazën e “shqyrtimit preliminar nga Task-Forca për Fletarrestime Ndërkombëtare në INTERPOL, që po verifikon përputhshmërinë me statutin dhe rregullat e organizatës”.

Vendimi përfundimtar merret nga Komisioni për Kontrollin e Dosjeve të INTERPOL-it, që mblidhet të paktën tri herë në vit dhe sipas njoftimit të Ministrisë së Punëve të Brendshme të Serbisë, seanca e radhës është planifikuar për periudhën midis 7 dhe 11 prillit.

“Republika e Serbisë respekton institucionet ndërkombëtare dhe kornizën ligjore, por nuk do të devijojë nga procedurat e saj në mbrojtjen e të drejtave dhe interesave të qytetarëve të saj”, u tha në njoftim.

Gjithashtu, në njoftim thuhet se Serbia do të mbetet e përkushtuar ndaj këtij procesi dhe do të marrë pjesë aktivisht në të gjitha hapat “për të siguruar që vendimi të merret në favor të qytetarëve tanë, drejtësisë dhe ligjshmërisë”./REL

 

Të fundit