Flash News

Studimi i ekspertëve të Vjenës: Plaga e emigracionit do të thellohet në Shqipëri

Posta e mëngjesit/ Me 2 rreshta: Çfarë pati rëndësi dje në Shqipëri

Zjarr në Kalanë e Elbasanit, rrezikohen banesat pranë

Zjarr në parkingun e një pallati në Tiranë, policia dhe zjarrfikësja ndërhyjnë për evakuimin e banorëve

Shpërthen bombola në një banesë në Durrës, një i lënduar

Rajoni

Ministria e Shëndetësisë e Maqedonisë së Veriut organizon transport ajror për të lënduarit nga zjarri në Koçan

Politiko 16 Mars 2025, 15:56

Ministria e Shëndetësisë e Maqedonisë së Veriut

Ministria e Shëndetësisë e Maqedonisë së Veriut ka njoftuar se janë duke u organizuar transportet ajrore për personat që mbetën të lënduar më rëndë pas shpërthimit të një zjarri në një klub nate në Koçan. Deri tani, janë planifikuar dërgimet për trajtim jashtë vendit të disa pacientëve që kanë pësuar djegie të rënda.

Pesë pacientë do të transportohen për trajtim në Bullgari, dy prej të cilëve janë nga Klinika e Kirurgjisë “Shën Naumi i Ohrit” dhe tre nga Klinika Universitare e Traumatologjisë, TOARILUC. Po ashtu, tre pacientë nga TOARILUC dhe gjashtë të tjerë nga Spitali i Përgjithshëm “8 Shtatori” do të dërgohen në Turqi. Për në Greqi, janë transportuar tre pacientë nga TOARILUC me mjete të Institutit të Mjekësisë Transportuese (IMT), ndërsa pesë pacientë do të transportohen për në Bullgari dhe pesë për në Serbi.

Tragjedia në Koçan ka shkaktuar 59 të vdekur dhe 155 të lënduar, shumica e të cilëve janë djegur gjatë një koncerti të një grupi të njohur maqedonas. Ngjarja ka tronditur vendin dhe ka bërë që Qeveria maqedonase të shpallë shtatë ditë zie kombëtare. Vendimi për zie do të publikohet në seancën e jashtëzakonshme të Parlamentit të Maqedonisë së Veriut të zhvilluar më pasdite.

Gjithashtu, qeveria ka vendosur të marrë masa të menjëhershme për inspektimin urgjent të të gjitha lokaleve të natës, diskotekave dhe restoranteve që organizojnë festa, për të parandaluar ngjarje të ngjashme në të ardhmen.

Të fundit