Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Rajoni

‘Miqësia’ me Putin ndëshkon Vuçiçin, Holanda kërkon të pezullohet liberalizimi i vizave për Serbinë

Politiko 12 Dhjetor 2022, 14:58

‘Miqësia’ me Putin ndëshkon Vuçiçin, Holanda

Kundërshtimi i sanksioneve ndaj Rusisë, duket se do t’i kushtojë shtrenjtë Serbisë. Presidenti Aleksandër Vuçiç e ka deklaruar jo pak herë, presionin që ndërkombëtarët e veçanërisht BE, poi  ushtron për të dënuar agresionin rus në Ukrainë.

Së fundmi, shteti anëtar i BE-së i cili ka marrë hapin e parë për ‘të dënuar’ Serbinë, është Holanda, raporton EWB.

Më 8 dhjetor, Dhoma e Përfaqësuesve miratoi një rezolutë që i bën thirrje qeverisë së saj të avokojë në Bruksel për pezullimin e përkohshëm të regjimit pa viza për Serbinë, nëse Serbia nuk përputhet me politikën e vizave dhe politikën e jashtme të BE-së.

Propozimi pati mbështetjen e koalicionit qeverisës dhe deputetëve të opozitës. Ai u dorëzua nga deputetët e dy partive më të mëdha të koalicionit qeverisës, Jeoren van Wijngaarden nga Partia Popullore për Liri dhe Demokraci (VVD) dhe Sjörd Sjördsma nga Demokratët 66.

Megjithatë, propozimi u iniciua nga përfaqësuesi i opozitës, Jasper van Dijk.

Deputeti Jeoren van Wijngaarden ndau në Tëitter se propozimi i tij mori mbështetjen e Dhomës së Përfaqësuesve të Parlamentit holandez.

“Dhoma e Përfaqësuesve mbështet propozimin tonë për një qasje më të rreptë ndaj Serbisë nëse presidenti Vuçiç nuk i mbështet sanksionet kundër Rusisë. Ndërprerja e procesit të pranimit të Serbisë në BE mund të bëhet një opsion. Ne nuk do të hezitojmë ta përdorim atë”, tha Van Wijngaarden.

Një ditë para inicimit të rezolutës në parlament, Sekretari i Shtetit për Drejtësi dhe Siguri, Erik van der Burg, iu përgjigj pyetjeve parlamentare të Van Wijngaarden për shtimin e migrimit nëpër Serbi.

Ai tha se qeveria “ndan shqetësimin e komisionerit evropian Johansson për rritjen e fluksit përmes Serbisë dhe sheh nevojën për të kundërshtuar rrjedhën përmes Ballkanit Perëndimor”, por gjithashtu mirëpret hapat e ndërmarra nga Serbia në drejtim të harmonizimit me politikën e vizave të BE-së.

Në sistemin institucional të Holandës, Parlamenti ka mandatin që t'i japë udhëzime qeverisë për zhvillimin e politikës së jashtme.

Për shembull, kur Holanda bllokoi hapjen e negociatave me Shqipërinë, nisma erdhi nga parlamenti.

Të fundit