Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Rajoni

Mitsotakis i hap rrugë zgjedhjeve të reja, kthen mandatin qeverisës

Politiko 22 Maj 2023, 14:04

Mitsotakis i hap rrugë zgjedhjeve të reja, kthen mandatin

Kryeministri Kyriakos Mitsotakis do të kthejë një mandat tre-ditor për të formuar një qeveri koalicioni vetëm disa orë pasi e mori atë nga presidentja Katerina Sakellaropoulou.

Në një takim me presidentin në Pallatin Presidencial pak pas mesditës, kryeministri tha se duke qenë se nuk ekzistojnë kushtet për formimin e qeverisë së koalicionit, ai do të kthejë mandatin pasditen e së hënës.

Ai shtoi se sipas sistemit të proporcionalitetit të zgjeruar që do të zbatohet në zgjedhjet e ardhshme, Demokracia e Re do të marrë një “shumicë të fortë”.

Me kthimin e mandatit ai donte të përshpejtonte procedurat për shpalljen e zgjedhjeve të reja, ndoshta më 25 qershor.

Mitsotakis i përshkroi zgjedhjet e së dielës "si një hap të pjekur", duke vënë në dukje rritjen e pjesëmarrjes që nga viti 2019, faktin që grekët jashtë votuan për herë të parë dhe gjithashtu se rezultatet u dhanë në kohë rekord.

Me kthimin e mandatit, ai do t'i kalojë partisë së vendit të dytë, SYRIZA, dhe nëse Alexis Tsipras nuk arrin të formojë një qeveri, siç ka gjasa, më pas partisë së vendit të tretë, PASOK.

Nëse asnjë parti nuk arrin të formojë një koalicion, Sakellaropoulou do të emërojë një qeveri të përkohshme për ta çuar vendin në një votim të ri rreth një muaj më vonë.

Të fundit