Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Rajoni

Moti i keq në Greqi shkakton dy viktima, përmbytje dhe kaos në disa zona

Politiko 21 Janar 2026, 21:02

Moti i keq në Greqi shkakton dy viktima, përmbytje dhe kaos në

Moti i keq që ka përfshirë Greqinë gjatë orëve të fundit ka shkaktuar pasoja të rënda, duke marrë jetën e dy personave dhe duke sjellë dëme të konsiderueshme materiale në disa rajone të vendit, raportojnë mediat greke. 

Viktima e parë është një roje bregdetare, i cili humbi jetën në zonën Astros të Peloponezit, teksa po përpiqej të lidhte dhe të siguronte motoskafin e shërbimit për shkak të kushteve të përkeqësuara të motit. Sipas autoriteteve, ai u mbyt gjatë operacionit, ndërsa deti ishte i trazuar dhe era shumë e fortë.

Viktima e dytë është një grua, e cila u gjet e pajetë në zonën e Glifadhës, në Athinë. Dëshmitarë okularë kanë deklaruar se ajo u godit nga një automjet që ishte rrëmbyer nga vërshimet e ujit si pasojë e reshjeve të shumta të shiut që ranë gjatë mbrëmjes së së mërkurës.

Stuhia ka prekur pothuajse të gjithë territorin grek. Dëme të shumta janë raportuar në ishullin e Gavdos, në jug të Kretës, si dhe në shumë zona të Peloponezit, Atikës dhe Evias. Reshjet e dendura të shiut kanë shkaktuar përmbytje të rrugëve dhe kryqëzimeve, duke vështirësuar qarkullimin e mjeteve dhe këmbësorëve.

 

Të fundit