Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Desktop - General - 1

Rajoni

Nik Gjeloshaj jep dorëheqjen nga posti i deputetit në Malin e Zi: Zgjedh të jem kryetar i Tuzit, Lista Shqiptare, e ardhmja jonë politike

Politiko 23 Tetor 2020, 22:48

All - Paragraf - 1

Nik Gjeloshaj jep dorëheqjen nga posti i deputetit në Malin e Zi:

Nik Gjeloshaj ka dhënë dorëheqjen nga posti i deputetit në Malin e Zi, pasi fitoi në zgjedhjet e 30 gushtit.

All - Paragraf - 3

Në një postim në rrjetet sociale, Gjeloshaj sqaron se sipas ligjit në fuqi nuk lejohet të mbajë dy funksione politike, ndaj mes postit të deputetit dhe kreut të komunës, zgjedh këtë të fundit.

“Lista Shqiptare është organizatë politike serioze, me mbështetjen më të fuqishme të shqiptarëve.
Platforma jonë politike përfshinë kërkesat e popullit tonë!”, shprehet Gjeloshaj.

Postimi i plotë:

Të nderuar qytetarë,

Sikur jeni të informuar, me ligje aktuale në Mal të Zi, një person nuk mund të mbaj dy poste politike.
Pasi isha zgjedhur deputet me 30 gusht, ishte e nevojshme që nga njëra detyrë të jap dorëheqje.
Mbas analizave, kam vendosur që më së shumti mund të jap kontirubut popullit dhe vendit tim, si kryetar i komunës!
Lista Shqiptare është organizatë politike serioze, me mbështetjen më të fuqishme të shqiptarëve.
Platforma jonë politike përfshinë kërkesat e popullit tonë!

Një sfidë që kemi filluar në Tuz, mbas fitores së madhe të shqiptarëve, vetëm një vit e gjysmë mbas, nuk do të ishte serioze të ndalemi.
Unë jam luftarak nga natyra dhe nuk tërhiqem në mes të rrugës! Projektin duhet çuar deri në fund, e posaçërisht në këtë kohë kur Podgorica u vërsul mbi Malësinë, që tentuan të na plaçkitin dhe të na poshtërojnë. Por Jo nuk do të ja dalin, do të jem në linjë të parë të frontit politik për të mbrojtë këtë kauzë, së bashku me kolegët dhe partnerët nga Lista Shqiptare.

Kudo që të jemi, me dinjitet do të përfaqësojmë kombin tonë dhe do të ndikojmë në zhvillimin e vendit.
Edhe pse për rehati personale dhe familjare, pozita e deputetit për mua do të ishte shumë më e lehtë, zgjodha të vazhdoj punën, pa ndalur për zhvillimin e vendit dhe popullit tim!
Andaj nuk ka funksion që mund të jetë si mundësi, që mund të më lëvizin në mes të rrugës, për të zhvilluar vendin tonë.
Projekti i fitua i komunës është djersë e derdhur dhe fitore e madhe e gjeneratave të tëra, diasporës dhe partive shqiptare!
Është projekt i shenjtë që askush nuk guxon të mendoj të luaj me të, në çdo mënyrë dhe rrethanë që të duhet, do të mbrohet!

Ne, në Listën Shqiptare nuk varemi nga asnjë person. Jemi ekip, kolektiv që kemi dëshirë dhe vullnet të punojmë për vendin tonë!
Kushdo që të vendosim të na përfaqësoj, do të jetë pjesë e ekipit të suksesit për avancimin e popullit tonë në çdo nivel!

Lista Shqiptare është e ardhmja politike e shqiptarëve dhe avancimit të drejtave të tyre!
Lista Shqiptare duhet të jetë një subjekt dhe ashtu të funksionoj për të mirën e shqiptarëve!

Me respekt,

Nik Gjeloshaj