Flash News

Rajoni

Një vit pas marrëveshjes në Uashington, Grenell: Biden po injoron Kosovën dhe Shqipërinë, nuk dëshiron të përfshihet

Një vit pas marrëveshjes në Uashington, Grenell: Biden po injoron
Richard Grenell

Ish i dërguari i SHBA-së për dialogun Kosovë-Serbi Richard Grenell akuzon administratën e presidentin Joe Biden se po injoron Kosovën, Shqipërinë dhe gjithë rajonin. Ai shton se Biden nuk ka të dërguar presidencial për negociatat dhe nuk ka diskutime apo plane për rajonin brenda Shtëpisë së tij të Bardhë.

"Biden vazhdon të injorojë Kosovën, Shqipërinë, Serbinë dhe të gjithë rajonin dhe ka vendosur që ai thjesht nuk dëshiron të përfshihet. Ai nuk ka të dërguar presidencial për negociatat dhe nuk ka diskutime apo plane për rajonin brenda Shtëpisë së tij të Bardhë. Nuk ka vizita të nivelit të lartë të planifikuara nga zyrtarët amerikanë dhe asnjë datë që udhëheqësit e Ballkanit të vijnë në SHBA", shkruan Grenell.

Ky i fundit sjell në vëmendje marrëveshjen e nënshkruar më 4 shtator të 2020 mes kryeministrit të Kosovës Avdullah Hotit dhe presidentit serb Aleksandar Vuçiç në Shtëpinë e Bardhë. Zyrtari i lartë i administratës së Trump-it, vë theksin te përpjekjet e këtij të fundit për normalizuar situatën në Ballkan.

"Ishte vizioni i Donald Trump për Kosovën dhe Serbinë për të normalizuar marrëdhëniet e tyre ekonomike dhe për të ndihmuar në krijimin e një rigjallërimi të plotë në të gjithë Ballkanin. Presidenti Trump besonte se konflikti i perceptuar po ndikonte në krijimin e vendeve të punës dhe zhvillimin ekonomik për të gjithë të përfshirë. Ai gjithashtu besonte se strategjia e të folurit të vazhdueshëm politik, e udhëhequr nga evropianët, nuk po funksiononte", shton Grenell.

Të fundit