Flash News

Rajoni

Njëzet e një deputetë grekë dalin vullnetarë për në spitalet COVID

Njëzet e një deputetë grekë dalin vullnetarë për
Foto Ilustruese/ Parlamenti grek

Njëzet e një ligjvënës grek me profesion mjekë kanë dalë vullnetarë për të ndihmuar në spitalet e mbingarkuara gjatë valës së dytë të pandemisë në Greqi.

Duke ndjekur shembullin e kolegëve të tjerë, duke përfshirë Giorgos Lambroulis nga Partia Komuniste, i cili kërkoi nga presidenti i parlamentit që ta përjashtonte nga detyrat e tij si nënkryetar i grupit, deputetët kanë kërkuar që të shërbejnë në zonat elektorale të tyre ose kudo që ministria e sheh të arsyeshme.

Mediat greke raportojnë se, 4 ligjvënës ishin nga Demokracia e Re në pushtet, 10 nga opozita kryesore SYRIZA-Aleanca Progresive, 5 nga Lëvizja për Ndryshim / KINAL, një nga Partia Komuniste e Greqisë dhe një nga Zgjidhja Greke.

"Pas dhurimit nga Parlamenti të 50 shtretërve ICU, kjo është prova më e madhe se institucionet kryesore demokratike dhe njerëzit që u shërbejnë atyre nderojnë dhe respektojnë qytetarët grekë," tha të martën Ministri i Shëndetësisë Vassilis Kikilias.

Një gjest i tillë mund të shërbej si shembull për politikën e përçarë të Tiranës, por edhe rajonin.

Ditari politik

Të fundit