Flash News

Demokratët fitojnë bindshëm Kavajën

Blinin vota për PSD, në pranga një person, shpallet në kërkim kryeplaku i fshatit në Kukës

Përmbysja e rezultatit në Lezhë, PD-ASHM siguron 4 deputetë

Rezultati/ PS fiton për herë të parë në Paskuqan

Numërohen mbi 93% e kutive të votimit, si paraqitet rezultati i në QV? Vijon edhe numërimi për diasporën

Rajoni

Paga minimale shkon 780 euro në Greqi, Mitsotakis: Rritje e guximshme, hyn në fuqi nga 1 prilli

Politiko 17 Mars 2023, 10:22

Paga minimale shkon 780 euro në Greqi, Mitsotakis: Rritje e guximshme, hyn

Kryeministri i Greqisë, Kyriakos Mitsotakis njoftoi rritjen e pagës minimale në vendin e tij. Duke filluar nga data 1 prill paga minimale do të jetë 780 euro dhe siç shpjegoi ai, kjo është një rritje prej 9.4%.

Mitsotakis i kujtoi qytetarëve se vë vitin 2019 paga minimale ishte 650 euro, që do të thotë se që atëherë janë shtuar dhe tre paga shtesë për 600 mijë punëtorë.

“Nuk kam iluzione, e di që në vendin tonë rrogat janë ende të ulëta dhe ato janë të shtypura më shumë nga inflacioni i importuar. E dëgjoj gjatë gjithë kohës sidomos nga të rinjtë dhe të rejat që e kanë të vështirë”, shtoi kryeministri, “ Kjo rritje e re padyshim nuk e zgjidh problemin, por është një lehtësim i konsiderueshëm dhe mbi të gjitha tregon synimin tonë për të rritur pagat si në sektorin publik ashtu edhe në atë privat.

“Dua të theksoj se shuma përfundimtare që është rënë dakord është në kufirin e sipërm të mundësive tona, megjithatë është brenda mundësive të bizneseve që dua të kujtoj që u mbështetën nga qeveria gjatë pandemisë”, sqaroi kryeministri në takimin që pati me ministrin e Punës Kostis Hatzidakis.

“Në të njëjtën kohë, dua të theksoj se ekonomia greke është në një zhvillim dinamik, papunësia është në rënie të vazhdueshme, taksat janë ende në rënie. Prandaj tani është koha për të mbështetur punëtorët me një rritje të guximshme të pagës bazë sepse dividenti i rritjes duhet të përthithet me drejtësi nga të gjithë”, përfundoi kryeministri në njoftimin e tij për rritjen e pagës minimale që do të hyjë në fuqi nga 1 prilli. 

Të fundit