Flash News

Studimi i ekspertëve të Vjenës: Plaga e emigracionit do të thellohet në Shqipëri

Posta e mëngjesit/ Me 2 rreshta: Çfarë pati rëndësi dje në Shqipëri

Zjarr në Kalanë e Elbasanit, rrezikohen banesat pranë

Zjarr në parkingun e një pallati në Tiranë, policia dhe zjarrfikësja ndërhyjnë për evakuimin e banorëve

Shpërthen bombola në një banesë në Durrës, një i lënduar

Rajoni

Qeveria e Maqedonisë së Veriut shpall shtatë ditë zie pas tragjedisë në Koçan

Politiko 16 Mars 2025, 17:38

Qeveria e Maqedonisë së Veriut shpall shtatë ditë zie pas

Qeveria e Maqedonisë së Veriut ka nisur seancën e sotme me një minutë heshtje në nderim të viktimave të tragjedisë që ndodhi në një klub nate në Koçan, ku 59 të rinj humbën jetën dhe mbi 100 persona janë shtruar në spital. Pas ngjarjes tragjike, Qeveria ka shpallur shtatë ditë zie kombëtare dhe ka bërë thirrje për respektimin e këtij vendimi, duke paralajmëruar dënime të rënda për ata që nuk e respektojnë.

Ministria e Jashtme do të hapë librin e ngushëllimeve për të shprehur solidaritet me familjet e viktimave, ndërkohë që Inspektorati Shtetëror i Tregut është ngarkuar me kryerjen e një inspektimi të jashtëzakonshëm në të gjitha objektet e hotelerisë, përfshirë kabaret dhe klubet e natës, për të vlerësuar kushtet e sigurisë në këto lokale.

Në seancën e Qeverisë u miratua gjithashtu aktivizimi i mekanizmit për kërkimin e ndihmës ndërkombëtare, ndërkohë që autoritetet po mblidhen provat materiale dhe po hetohen të gjithë ata që janë të përfshirë në këtë ngjarje tragjike. Qeveria ka bërë thirrje që ky rast të mos politizohet dhe ka garantuar transparencë në zbardhjen e plotë të ngjarjes.

Në përfundim, Qeveria i ka shprehur ngushëllimet më të thella familjeve të viktimave dhe ka theksuar se ekipi shëndetësor është në dispozicion për të ofruar kujdesin e nevojshëm për të lënduarit.

Të fundit