Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Rajoni

Rama, Vuçiç dhe Zaev do të takohen javës së ardhshme, ftesa që pritet t’i bëjnë Kosovës   

Politiko 23 Tetor 2020, 17:42

Rama, Vuçiç dhe Zaev do të takohen javës së

Kryeministri i Shqipërisë, Edi Rama, ai i Maqedonisë së Veriut, Zoran Zaev dhe presidenti i Serbisë, Aleksandar Vuçiç pritet të takohen javës së ardhshme.

Ata do t’i drejtojnë një ftesë Kosovës për t’u bërë pjesë e Shengenit Ballkanik.

Lajmi u bë i ditur nga Zaev në një konferencë të përbashkët me homologun kosovar, Avdullah Hoti në Shkup, i cili tha se Kosova dhe Maqedonia e Veriut kanë marrëdhënia të mira fqinjësore që duhet të vazhdojnë në kultivimin edhe të mëtejshëm të tyre.

 “Në vendin tim thuhet se fqinjët nuk i zgjedhim, por ata janë të parët të dalin në ndihmë. Mu për këtë presim që Kosova t’i bashkëngjitet bashkëpunimit rajonal që e udhëheqin Maqedonia e Veriut, Serbia dhe Shqipëria, me qëllim që karakteri i saj të jetë prioritar për rajonin pa dallim të çështjeve të hapura politike.

Kjo do t’i ndihmojë fillimisht qytetarëve për implementimin e katër lirive në Ballkanin Perëndimor siç janë në shtetet e BE-së”, tha Zaev.

Serbia dhe Kosova me marrëveshjen për normalizimin ekonomik të nënshkruar më 4 shtator në Shtëpinë e Bardhë në Uashington ranë dakord që t’i bashkohen zonës së mini-Shengenit, të shpallur nga Serbia, Shqipëria dhe Maqedonia e Veriut në tetor të vitit të shkuar. Në atë kohë, Kosova e pati kundërshtuar fuqishëm këtë iniciativë.

Mini-Shengeni, sipas ekspertëve dhe përfaqësuesve të komunitetit të biznesit, nënkupton njohjen e diplomave, njohjen reciproke të dokumentacionit, certifikatat fitosanitare dhe veterinare të lëshuara nga shtetet përkatëse.

Të fundit