Flash News

Berisha vlerëson raportin e OSBE: I kanë rrëzuar përtokë zgjedhjet

Gjykata e Lartë kthen për rigjykim ankimimin e Arbër Veliajt

Goditet Call Center-i në Tiranë/ Në pranga një nga organizatorët dhe 6 punonjës

Sherri me leva dhe të shtënat me armë në Tiranë, policia reagim zyrtar

“Mbrojmë votën”, Berisha zbulon sloganin e protestës së 16 Majit

Rajoni

Takim sekret mes përfaqësuesve nga Kosova dhe Serbia në Zvicër, dalin detaje

Politiko 19 Dhjetor 2022, 14:04

Takim sekret mes përfaqësuesve nga Kosova dhe Serbia në

Përfaqësues nga Kosova dhe Serbia kanë zhvilluar “takime sekrete” në Zvicër, lidhur me situatën mes të dyja vendeve. Departamenti Federal i Punëve të Jashtme të Zvicrës ka thënë për “Telegrafi” se takimi u zhvillua një javë pas largimit të serbëve nga institucionet e Kosovës.

“Që nga viti 2015, Departamenti Federal i Punëve të Jashtme ka mbështetur negociatat zyrtare të BE-së me takime plotësuese jozyrtare me përfaqësues të partive kryesore politike nga të dyja vendet. Kjo u mundësoi atyre të shkëmbejnë pikëpamje mbi çështjet politike dhe të ndërtojnë besim. Takimi i fundit u zhvillua në Zvicër një javë pasi serbët u tërhoqën nga institucionet kosovare”, thuhet në përgjigjen e FDFA-së.

Departamenti Federal i Punëve të Jashtme më tej ka shtuar se Zvicra mbështet normalizimin e raporteve Kosovë-Serbi.

“Normalizimi i marrëdhënieve ndërmjet Serbisë dhe Kosovës është një pjesë e rëndësishme për të promovuar stabilitetin dhe zhvillimin në Ballkanin Perëndimor. Zvicra mbështet përpjekjet për normalizim ndërmjet Serbisë dhe Kosovës dhe këtë e ka bërë të qartë vazhdimisht në kontaktet e saj zyrtare”, thuhet në përgjigje.

Departamenti Federal i Punëve të Jashtme ka shtuar se për arsye të konfidencialitetit nuk do bëjë publike detaje të tjera.

Të fundit