Flash News

Milan Radoiçiç dorëhiqet nga posti i nënkryetarit të Listës Serbe

3 atentate në 2 ditë, Rrumbullaku firmos emërime dhe shkarkime për disa drejtues

Berisha: Akti terrorist i falangave Serbe kishte një sfond të parapërgatitur nga Rama dhe Vuçiç

Dyshohet se u vra nga burri, ja çfarë shkruante Klodiana në rrjetet sociale

Detaje nga vrasja e 35 vjeçares shqiptare në Itali, autori e priti ulur në një stol

Rajoni

Tensionet/ Vuçiç: Kurti dëshiron të shkaktojë kolaps në rajon

Politiko 29 Maj 2023, 21:03

Tensionet/ Vuçiç: Kurti dëshiron të shkaktojë

Presidenti i Serbisë, Aleksandar Vuçiç ka reaguar për situatën e tensionuar në Veri të Kosovës.

Në një fjalim jo të zakonshëm në Presidencë, Vuçiç tha se kryeministri i Kosovës, Albin Kurti dëshiron të nxisë konflikt mes serbëve dhe NATO-s. 

“Në tre ditët e fundit edhe një njeri i dobët dhe politikisht analfabet ka mundur të kuptojë se çfarë po përgatitej për sot dhe gjithçka në organizatën e Kurtit, me dëshirën për të pasur një konflikt të madh mes serbëve dhe NATO-s dhe ai që është i vetmi, për tu fajësuar për gjithçka që po ndodh, se ai lan duart nga Pilati dhe thotë se nuk ka lidhje me të”, tha Vuçiç.

Sipas mediave serbe, pas adresimit të tij në Beograd, ai do të shkojë për vizitë te kufiri me Kosovën, ku është vendosur edhe armata serbe.

Kujtojmë se qytetarët serbë kanë tentuar sërish të bllokojnë objektet e komunave dhe të pengojnë hyrjen e kryetarëve të rinj shqiptar.

Policia e Kosovës dhe KFOR kanë rrethuar ndërtesat zyrtare ndërsa situata është përshkallëzuar teksa kanë hedhur gaz lotsjellës për të shpërndarë turmën.

Për shkak të rindezjes së tensioneve është njoftuar se shkollat në veri të Kosovës do të mbyllen dhe mësimi do të pezullohet përkohësisht.

Për zhvillimet e fundit në veri ka pasur reagime të shumta nga Shtetet e Bashkuara të Amerikës dhe Bashkimi Evropian të cilët kërkuan të mos përshkallëzohet situata pasi që kjo nuk ndihmon në procesin e dialogut mes dy vendeve.

 

Të fundit