Flash News

Kush është Papa i ri?

Papa Leo i XIV përshëndet për herë të parë besimtarët në sheshin e Shën Pjetrit

Tym i bardhë nga Vatikani: Është zgjedhur Papa i ri

"Liria funksionon", PD përshëndet qëndrimin e DASH: E drejta vonoi, por u kthye në vend

“Reuters”: Rama kërkon mandatin e katërt në zgjedhjet e dominuara nga korrupsioni dhe bandat kriminale

Rajoni

Tragjedia në Maqedoninë e Veriut, arrestohen gruaja dhe vajza e pronarit të diskotekës, 34 të dyshuar

Politiko 25 Mars 2025, 20:37

Tragjedia në Maqedoninë e Veriut, arrestohen gruaja dhe vajza e

Hetimet për zjarrin katastrofik në diskotekën 'Puls' në Koçan, Maqedoninë e Veriut, vazhdojnë me intensitet, ndërsa numri i personave të dyshuar ka arritur në 34. Prokuroria ka hapur një procedurë hetimore ndaj 27 individëve dhe tre personave juridikë, duke përfshirë edhe shtatë nënpunës policor nga SPB Shtip dhe Koçan.

Policia ka kryer bastisje në disa lokacione, përfshirë një tjetër objekt në pronësi të pronarit të diskotekës dhe zyrat e Inspektoratit Shtetëror të Tregut në Koçan. Bashkëshortja dhe vajza e pronarit të diskotekës 'Puls' ndodhen në polici, ndërsa vetë pronari aktualisht po kurohet në një spital në Lituani, së bashku me tre pacientë të tjerë të plagosur nga tragjedia.

Akuzat dhe hetimet në vazhdim

Të dyshuarit përballen me akuza për vepra të rënda kundër sigurisë së përgjithshme dhe për shkaktimin e rrezikut të përgjithshëm. Hetimi po udhëhiqet nga 11 prokurorë nga Shkupi, Koçani dhe Shtipi, ndërsa Prokuroria Publike ka nisur kontrolle të reja dhe ka konfiskuar pajisje elektronike për ekspertizë. Policia Financiare është përfshirë në hetim për të verifikuar dyshimet mbi përfshirjen e subjekteve të ndryshme në këtë tragjedi.

Çfarë ndodhi në diskotekën 'Puls'?

Në orët e para të 16 marsit, mbi 650 persona, kryesisht të rinj, ishin duke u argëtuar në diskotekën 'Puls' në Koçan. Gjatë performancës së grupit muzikor DNK, shpërtheu një zjarr i madh, i cili çoi në humbjen e jetës së 59 personave dhe plagosjen e mbi 190 të tjerëve, disa prej të cilëve ende janë në gjendje të rëndë shëndetësore.

Pamjet nga vendi i ngjarjes treguan se çatia e lokalit u dogj dhe u shemb në disa vende, duke ekspozuar trarët e brendshëm të djegur. Nga viktimat, 20 ishin të mitur nën 18 vjeç.

Autoritetet vijojnë hetimet për të zbardhur përgjegjësinë penale dhe për të ndaluar persona të tjerë të përfshirë në këtë tragjedi të rëndë.

Të fundit