Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Rajoni

Vizita e Ramës në Athinë, zëdhënësi i qeverisë greke: Nuk interpretojmë qëllimin e kryeminsitrit

Politiko 10 Maj 2024, 13:34

Vizita e Ramës në Athinë, zëdhënësi i

Më 12 maj kryeministri Edi Rama do të udhëtojë drejt Athinës, aty ku do të zhvillojë një takim me shqiptarët në Greqi. Takimi do të nisë rreth orës 10:30.

Për takimin ka reaguar edhe zëdhënësi i qeverisë greke, Pavlos Marinakis, i cili e cilësoi vizitën e Ramës si private. Ai tha se vetë qeveria nuk e ka ftuar.

“Qeveria nuk e ka ftuar Rama. Natyrisht që do të përgjigjemi nëse ka ndonjë arsye për t’u përgjigjur”, tha Marinakis.

Duke komentuar sugjerimin se duhet të ketë një kritikë nga shumëkush, ai theksoi: “Këtu dëgjoj një kritikë të pakundërshtueshme. Përfundimi është se qeveria greke as nuk e ka ftuar zotin Rama, as nuk është një takim dypalësh dhe as nuk ka mundur – dhe askush nuk ka thënë ndryshe, sepse nuk ka si të thuhet – të ndalojë një tubim. Ai do të sigurojë që të respektohen të gjitha masat e sigurisë dhe protokollet e parashikuara në rastin konkret. Dhe që atëherë është një vizitë private, në Greqi dhe në disa vende të tjera, nga Edi Rama, siç ka të drejtë të bëjë dhe asgjë më shumë”.

Në pyetjen se çfarë do të ndodhë nëse përmendet tema e Belerit, ai tha se nuk është detyra e qeverisë greke të komentojë qëllimin e Ramës.

“Nuk është detyra jonë as të interpretojmë qëllimshmërinë e Edi Ramës dhe as të argumentojmë kundër një qëllimshmërie të pretenduar. Është detyra jonë me veprimet tona, jo me fjalë të bukura, të tregojmë respekt për shtetin ligjor dhe se kemi shumë të drejtë në anën tonë dhe nuk kemi frikë prej saj”, nënvizoi ai.

Të fundit