Flash News

Gjendet i pajetë pranë liqenit të Shkopetit një 23-vjeçar

U mbyt duke shpëtuar dy turistë në Shkodër, vijojnë kërkimet për trupin e kapitenit të anijes turistike

Me simbolin e shqiponjës, Torino prezanton blerjen e mbrojtësit të Kombëtares shqiptare

Zhdukja e Eraldo Muçit, zbardhet dëshmia e nënës së tij: Djali im ishte shok me Sançon

28 të arrestuar në Itali e Spanjë për trafik droge, mes tyre një shqiptar

Rajoni

Vuçiç për "Mini-Shengenin": Nga 1 janari i vitit 2023 nuk do të kemi kufij ndërmjet vendeve tona, nuk jemi naiv

Politiko 29 Korrik 2021, 11:30

Vuçiç për "Mini-Shengenin": Nga 1 janari i vitit

Presidenti serb Aleksandër Vuçiç ka thënë se nëse nisma e "Mini-Shengenit" realizohet brenda një viti e gjysmë, duke nisur nga 1 janari i vitit 2023, ndërmjet vendeve të Ballkanit Perëndimor nuk do të ketë më kufij.

Kështu u shpreh ai në Forumin Ekonomik “Ballkani i Hapur” që po zhvillohet në Shkup, në të cilin kanë qenë të pranishëm kryeministri i Maqedonisë së Veriut, Zoran Zaev dhe kryeministri Edi Rama, por ka munguar ai i Kosovës Albin Kurti.

Vuçiç tha se "Mini-Shengeni" do të rrisë të ardhurat për të treja vendet, duke e cilësuar këtë projekt si shpëtues i ekonomisë.

Ai shtoi se askush nuk do të punojë në favor të shteteve, nëse këtë nuk e bëjnë vetë ato. Vuçiç theksoi se është koha që të demonstrohet aftësi dhe që shtetet e rajonit të mos presin t'i udhëheqë dikush tjetër.

"Nuk jemi naiv të mendojmë se dikush do punojë në favor të shteteve tona nëse ne nuk e bëjmë vetë këtë. Të demonstrojmë se jemi të aftë dhe të mos presim se dikush do na udhëheqë, drejtojë, se jemi të gatshëm të marrim përsipër fatin tonë dhe të punojmë në interes të qytetarëve tanë.

Nëse ja dalim të bëjmë këtë për 1 vit e gjysmë, ne kemi vende të pavarura dhe sovrane. E dini çfarë nënkupton kjo për transportin? Do keni 6-9 % shpenzime më të ulëta operative për shkak se nuk ka ndalesë ndërmjet vendeve. Duhet të shohim si do të sigurojmë qasjen, hyrjen që kanë të bëjnë me TVSH-të.

Megjithatë ky është shpëtimi për ekonomitë tona. Të tre vendet tona do mbyllin vitin me 76 miliardëeEuro prodhim bruto. Nëse ne do të bëjmë këto, më 1 Janar 2023 ne nuk do të kemi kufij ndërmjet vendeve tona", tha Vuçiç.

Të fundit