Flash News

Kush është Papa i ri?

Papa Leo i XIV përshëndet për herë të parë besimtarët në sheshin e Shën Pjetrit

Tym i bardhë nga Vatikani: Është zgjedhur Papa i ri

"Liria funksionon", PD përshëndet qëndrimin e DASH: E drejta vonoi, por u kthye në vend

“Reuters”: Rama kërkon mandatin e katërt në zgjedhjet e dominuara nga korrupsioni dhe bandat kriminale

Rajoni

Vuçiç shkarkon ambasadoren serbe në Zagreb pas marrëveshjes ushtarake Shqipëri-Kroaci-Kosovë

Politiko 25 Mars 2025, 17:46

Vuçiç shkarkon ambasadoren serbe në Zagreb pas

Presidenti i Serbisë, Aleksandar Vuçiç, ka shkarkuar Jelena Miliç, ambasadoren serbe në Zagreb, sipas një vendimi të publikuar në Fletoren Zyrtare të Serbisë. Vendimi ka hyrë në fuqi menjëherë, por nuk është dhënë asnjë arsye specifike për largimin e saj nga kjo detyrë.

Ky zhvillim ndodh pas nënshkrimit të marrëveshjes ushtarake mes Shqipërisë, Kosovës dhe Kroacisë, më 18 mars në Tiranë, një marrëveshje që ka shkaktuar tensione të mëdha mes Serbisë dhe Kroacisë. Presidenti Vuçiç ka kritikuar ashpër këtë bashkëpunim, duke e konsideruar si një garë të re armatimi në rajon.

“Ne e morëm mesazhin. Do të bëjmë gjithçka për të mbrojtur vendin tonë,” deklaroi Vuçiç, duke theksuar se Serbia do të reagojë në përputhje me zhvillimet.

Në anën tjetër, Kroacia është përgjigjur duke theksuar të drejtën e saj për të bashkëpunuar me shtetet që dëshiron në fushën e mbrojtjes. Marrëveshja ushtarake u nënshkrua nga ministri shqiptar i Mbrojtjes, Pirro Vengu, ai i Kosovës, Ejup Maqedonci, dhe ministri kroat, Ivan Anushiç.

Kjo marrëveshje ka shkaktuar një përshkallëzim të tensioneve në Ballkan, duke ndikuar në marrëdhëniet diplomatike mes Serbisë dhe shteteve të tjera të rajonit.

Të fundit