Flash News
Shoferja humb kontrollin në aksin Devoll-Miras, dy të plagosur
SPAK sekuestron pasuritë e dy ortakëve të Evis Berberit
Goro në burg, Blerina Balaj komandohet kryetare e Bashkisë Himarë
Video/ Tensione në mbledhjen e Këshillit Bashkiak të Himarës, qytetari pështyn në fytyrë Vangjel Tavon
Olsi, ashtu si Edi, qenka burrë p….
Zgjerimi në Jon, Mitsotakis: E kisha njoftuar, Greqia mund të zgjerojë ujërat e saj në Kretë dhe gjetkë
Kryeministri grek Kyriakos Mitsotakis tha nga foltorja e Parlamentit, ku pritet të votohet projektligji për zgjerimin në Jon, se Greqia rezervoi të drejtën për të zbatuar të drejtat përkatëse në Kretë dhe pjesë të tjera të territorit të saj.
Mitsotakis tha se vendi po zgjeron territorin e tij sovran "as duke aneksuar territorin [e huaj], as në kurriz të shteteve të tjera, por duke ndjekur procedurat që bazohen në të drejtën ndërkombëtare".
“Për herë të parë që nga viti 1947 territori grek është zgjeruar me 10%, jo nga shkëputja e territoreve ose në mënyrë të barabartë nga vendet e tjera. Me procedura të bazuara plotësisht në rregullat e së drejtës Ndërkombëtare.
Sot në fillim të vitit 2021 ne hedhim hapin e dytë të madh thelbësor. Vendi ynë shtrin dominimin e tij në Detin Jon në 12 milje. Unë kisha njoftuar zgjerimin e ujërave tona territoriale që nga gushti. Një e drejtë plotësisht e përputhshme me të drejtën ndërkombëtare dhe vendin tonë mund të zgjerohet në zona të tjera dhe në Kretë dhe gjetkë, por në një kohë dhe mënyrë që ne do të zgjedhim”, ka deklaruar kryeministri grek.
Vendimi i shtetit helen për tu zgjeruar me 12 milje në Jon ka ngjallur debat në Shqipëri, pasi janë ngritur pretendime se nuk është në favor të marrëveshjes së detit me Shqipërinë dhe Greqinë. Ndërkohë kryeministri Edi Rama e ka mohuar një gjë të tillë, duke thënë se kjo është një e drejtë e Greqisë.