Zjarret dhe stuhitë shkaktojnë 4 viktima në Itali

Italia po përballet me shumë lloje të motit ekstrem në të njëjtën kohë, ku në pjesët jugore me  nxehtësinë e madhe, ndërsa veriu është goditur nga stuhitë vdekjeprurëse.

Vetëm të martën, moti ekstrem vrau të paktën tre persona, sipas autoriteteve italiane.

Një adoleshente dhe një grua u vranë nga rrëzimi i pemëve teksa stuhitë e forta goditën veriun e Italisë në orët e para të mëngjesit të së martës.

Brigada e zjarrfikësve të Italisë tha se ata iu përgjigjën 400 thirrjeve të urgjencës për pemët e rrëzuara, dëmtimin e çative, përmbytjet dhe thyerjen e xhamave pasi stuhitë shkaktuan dëme të gjera në zonë.

Ditët e fundit, veriu i Italisë është goditur nga moti i keq, i cili gjithashtu ka prodhuar tornado dhe erëra të forta. Javën e kaluar, 100 persona u plagosën pasi breshri me madhësi të topit të tenisit ra në rajonin e Venetos.

Në disa pjesë të Siçilisë, temperaturat arritën në 47.4 gradë Celsius (117.3 Fahrenheit) të hënën, duke arritur afër rekordit evropian të temperaturës prej 48.8 gradë Celsius, të vendosur në 2021.

Vapa favorizon shumë zjarre, të cilat kanë marrë tashmë të paktën një jetë.

Të martën, një grua 88-vjeçare vdiq jashtë Palermos, Siçili, tha një zëdhënës i qeverisë për CNN. Gruaja, e cila kishte probleme serioze shëndetësore, vdiq sepse mjekët nuk ishin në gjendje ta arrinin atë për shkak të zjarreve, raportoi dega e CNN SkyTG24.

Më shumë se 40 zjarre shpërthyen në Siçili të hënën mbrëma, duke përfshirë një në landfillin Bellolampo që prodhoi tym helmues, sipas brigadës italiane të zjarrfikësve.

Më shumë se 1500 njerëz janë evakuuar nga rajoni i prekur dhe disa shtëpi janë dëmtuar.