Ish-ministrja e Jashtme e Greqisë, Dora Bakojanis ka kundërshtuar kryeministrin Edi Rama për çështjen e kufirit të ujrave detare, i cili propozoi të zgjidhet me ndërmjetësimin e një pale të tretë.
Ajo tha se ka qenë nënshkruesja e martëveshjes së vitit 2009 dhe është mërzitur nga vendimi i Gjykatës Kushtetuese. Ajo tha se ndërhyrja e vendeve të treta nuk ndihmon duke shtuar se e dimë të gjithë se Turqia ka qenë kundra marrëveshjes së nënshkruar në vitin 2009.
Gjithashtu, Bakojanis foli dhe për marrëveshjen Greqi-Turqi, duke i bërë thirrje Erdoganit të heqë dorë nga kërcënimet e luftës dhe për dakordësinë t’i drejtohen një Gjykate Ndërkombëtare për këtë çështje.
“Në qoftë se COVID-19 tregoi diçka, ajo ishte lidhje mjaft e madhe midis vendeve tona, pra kur Shqipëria pati një rritje të madhe të rasteve me COVID pak javë më tej edhe Greqia pati të njëjtin problem, çka tregon se na duhet një strategji rajonale për ta luftuar pandeminë, nuk është mjaftueshëm që të marrim vendime gjithsecili në vendin e vet sepse ndërlidhja është diçka shumë e madhe.
Në raport që tha me marrëveshjen, unë kam qenë që e kam nënshkruar këtë marrëveshje me Shqipërinë dhe sigurisht u mërzita shumë kur dëgjova për vendimin e Gjykatës Kushtetuese. Kjo nuk përbën justifikim që 10, 12 vjet më pas ne ende nuk kemi një marrëveshje. na duhet besoj të përpiqemi më fort të gjejmë një marrëveshje me Shqipërinë dhe është e rëndësishme për të dyja vendet tona. Sigurisht, për të qenë shumë e ndershme ndërhyrja e vendeve të treta në këtë lloj çështjesh nuk ndihmon, kësisoj ne e dimë që Turqia ka qenë shumë kundër kësaj marrëveshjeje dhe besoj që marrëdhëniet më të mira të mundshme që mund të kemi dhe bie dakord me këtë me kryeministrin Rama dhe që tha për marrëdhëniet greko-turke, po, ne njihemi shumë dhe unë njihem në Greqi si një mbështetëse shumë e fortë e dialogut midis Greqisë dhe Turqisë dhe bisedimet mes tyre por po kështu është mjaft e qartë se kjo mund të ndodhë vetëm nëse nuk ka kërcënime, sepse kërcënimet për luftë nuk mund e nuk janë të pranueshme nga asnjë e drejtë ndërkombëtare
Shpresoj që Presidenti Erdogan do bëj të gjitha përpjekjet e nevojshme që të mos përshkallëzojë tensionet dhe të ndryshojë retorikën. Unë e njoh prej vitesh dhe ai do të kuptojë se kjo nuk është një mënyrë e suksesshme e të bërë politike edhe për Turqinë dhe mund t’i kthehemi tryezës së bisedimeve siç besoj se duan sinqerisht të dy popujt tanë dhe të përpiqemi të gjejmë një zgjidhje ose për të rënë dakord ose për t’iu drejtuar Gjykatës Ndërkombëtare për këtë çështje. Unë shpresoj që mesazhi është i qartë, mesazhi nga Bashkimi Evropian dhe mesazhi i shumicës së vendeve të mesdheut dhe shpresoj që fryma e sotme midis tri vendeve tona, po kështu do të mbizotërojë si fryma mbizotëruese dhe me Turqinë.” tha Bakojanis gjatë forumit të organizuar nga “The Economist”.
Si përgjigje ndaj Bakojanisit, Rama tha se kurrë nuk ka folur me Erdoganin për t’a çuar atë marrëveshje në Gjykatës Kushtetuese dhe se është e pavërtetë që është parandaluar nga Turqia.
Rama tha se këto ide duhen larguar që mos ndikojnë në marrëdhëniet mes dy vendeve.
“Dua të kundërshtoj Dorën. Gjykata Kushtetuese ka marrë vendim për këtë marrëveshje në vitin 2009, në atë kohë unë kurrë se kisha dëgjuar dhe kurrë s’kisha folur me Erdoganin, atëherë ai ishte kryeministër i Turqisë. Ne ishim partia kryesore e opozitës ne vendosëm ta çonin më Gjykatën Kushtetuese, kishte një debat me shoqërinë civile. Unë thash e çojmë në Gjykatën Kushtetues pasi ajo ka të gjitha instrumentet për ta kontrolluar atë marrëveshje. E kam dëgjuar në Shqipëri apo në autoritete të larta të së shkuarës që kjo është një marrëveshje që është parandaluar nga ndërhyrja e Turqisë, kjo është e pavërtetë.
Kjo është fjala ime dhe s’kam gjëra të regjistruara dhe asnjëherë në takime me presidentin turk Erdogan kjo marrëveshje mes Greqisë dhe Shqipërisë është parë ndonjëherë në interes për Turqinë. Kurrë! Ti largojmë këto mendime që këto të mos ndikojnë në marrëdhëniet mes dy vendeve. I jam mirënjohës Mitsotakis sepse ka patur një qëndrim mjaft konstruktiv për ta zgjidhur këtë çështje dhe për të mos u kthyer prapa. Askush nuk është i interesuar për ta mbajtur këtë çështje të pazgjidhur”, tha Rama.
Financuar Nga Bashkimi Europian
