Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Rama-Berishës: Nuk është rastësi që të shkon gjuha te 21 janari, ke halle të mëdha përpara

Politiko 8 Shkurt 2018, 12:22
Rama-Berishës: Nuk është rastësi që të shkon gjuha

Kryeministri Edi Rama është përqëndruar gjatë fjalës në Kuvend në sulmet ndaj paraardhësi të tij, Sali Berishës, të cilin e ka paralajmëruar se presin halle të mëdha. Duke iu referuar një lapsusi të Berishës, Rama tha se nuk është rastësi që ish-kryeministri përmend 21 janarin kur do të flasë për 21 dhjetorin.

Sipas Ramës, fshesa e vetting-ut ka nisur dhe se shumë njerëz të Berishës në gjykata do të largohen.

“Sot keni kërkuar debat për Jeruzalemin, nesër mund të kërkoni debat për kanalin e Panamasë, nesër mund të kërkoni debat për temperaturën në polin e veriut. Jeni në gjendje të shpërtheni edhe një luftë nukleare nëse do të kishit gjë në dorë. Halli juaj është me atë që po ndodh në Shqipërinë tonë të vogël. Sot po e kërkoni shpëtimin në Lindjen e Mesme, nesër diku gjetkë. Ju keni humbur pushtetin, keni humbur arsyen dhe tani keni humbur gjumin. Politika juaj është jermë, baltë, përthithje. Sepse, ajo e mallkuar reformë në drejtësi që e votuat këtu me të dyja këmbët në një këpucë, sepse ai vetting-u që nuk e ndalët dot, sepse kjo partia këtu që nuk u mundët dot, ju ka futur në një hall shumë të madh. E dini fort mirë se sa të jetë kjo parti në qeveri, ju nuk keni asnjë shans që ky vend të mbetet pa drejtësi. Ju sot jeni gati të bëheni çifutë, eskimezë, dele e zezë e këtij vendi, vetëm që të mos jeni këta që jeni dhe të fshiheni pas një identiteti tjetër që të mos ju kapin. Nuk është rastësi o Sali që çohesh këtu dhe thua 21 janari kur do të thoje 21 dhjetori. Gjuha shkon aty ku dhemb dhëmbi. Fshesa e vetting-ut ka filluar Sali, dhe disa nga të dashurit e tu në gjykatat e larta po i sheh si po ikin. Sali, shiko hallet e tua se ke halle të mëdha përpara. Nuk të ndihmojmë dot ne, as Amerika, BE-ja jo e jo”, u shpreh Rama.

Rama i nxehur me deklaratën e Dashamir Shehit, e sulmon ashpër në Kuvend: Ha pilaf dhe pi raki, thotë nuk e duam Turqinë

Të fundit