Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Rama: “Erdogan, frymëzim për mua”. Presidenti i Turqisë e shpërfill, nuk i dërgon ftesë për ceremoninë e rëndësishme

Politiko 13 Qershor 2018, 11:42

“Marrëdhënia ime me presidentin (Erdogan) është një marrëdhënie që ka nisur pa u njohur unë me të, pasi e kam admiruar për së largu punën e tij të jashtëzakonshme si kryetar i Bashkisë së Stambollit dhe rolin transformues që ai ka pasur dhe ka qenë një ndër shembujt që më kanë frymëzuar për atë që kam bërë për Tiranën. Pastaj kam pasur fatin të njihem me të, ta vlerësoj së afërmi, një marrëdhënie që është e ngritur mbi respektin reciprok që nuk ka absolutisht asnjë nga ato shenja që shumëkush merr përsipër të ngrejë akuza dhe teori konspiracioni.”

Në të njëjtën ditë kur kryeministri i Shqipërisë, Edi Rama, po fliste në këtë mënyrë për presidentin e Turqisë, Rexhep Taip Erdogan, ky i fundit organizonte në qytetin Eskisehir ceremoninë e rëndësishme të inaugurimi të gazjsellësit Trans Anatolian (TANAP), i cili vijon më pas drejt Greqisë dhe Shqipërisë me emërtimin “TAP”.

Në këtë ceremoni u vunë re pjesëmarrja dhe mospjesëmarrja e disa prej liderëve të shteteve ku gazsjellësi kalon. Kryeministri Edi Rama mesa duket nuk ka patur një ftesë nga miku i tij, presidenti Erdogan, për të marrë pjesë në ceremoni.

Ndonëse kryeministri shqiptar thotë se lajmet për krisje të marrëdhënieve të tij me Erdogan janë akuza dhe teori konspiracioni, ky zhvillim nuk i jep të drejtë. Rama është ftuar në Erdogan për të marrë pjesë në dasmën e vajzës së tij apo në inaugurimin e një ure në Stamboll, ngjarje që nuk lidhen në asnjë drejtim me Shqipërinë dhe shqiptarët. Por, kur vjen momenti për të marrë pjesë në ceremoninë e një projekti strategjik për Shqipërinë, Rama nuk ftohet për të qenë i pranishëm.

Ndërkohë, ftesa e Erdoganit ka mbërritur në Beograd, te presidenti Aleksandar Vuçiç, ndonëse ky shtet nuk është përfshirë ende në projekt. Të pranishëm ishin gjithashtu presidenti i Ukrainës, Petro Poroshenko, presidenti i Azerbajxhanit, Ilham Aliyev, dhe lideri i Qipros turke, Mustafa Akinci.

Politiko.al ka raportuar më herët për një ftohje të marrëdhënieve të Ramës me Erdogan për shkak të hezitimit të Tiranës për të ekstraduar anëtarët e Lëvizjes Gylen, që nga Turqia konsiderohen terroristë. Gjithashtu, burime diplomatike kanë bërë të ditur se presidenti turk ka vendosur kusht shkarkimin e Skënder Burçajt nga drejtimi i Komunitetit Mysliman të Shqipërisë, për të marrë pjesë në ceremoninë e inaugurimit të xhamisë së madhe në kryeqytet.

Kampi i refugjatëve, flet Edi Rama: As nuk e kemi konsideruar si mundësi; e refuzojnë shtete më të fuqishme se ne

Të fundit