Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Rama fajëson pushuesit për tagjedinë në Zvërnec: Janë plazhe të egra, të palicensuara…

Politiko 17 Korrik 2017, 09:58

Rama fajëson pushuesit për tagjedinë në Zvërnec:

Ka reaguar kryeministri Rama për tragjedinë e ndodhur në Vlorë, tre ditë më parë, duke larguar tërësisht përgjegjësinë e ngjarjes së rëndë nga qeveria dhe nga Bashkia. Gjithçka, sipas tij, është një ngjarje që ka ndodhur në plazhe të egra, të palicensuara e plazhe – kantiere ndërtimi. Sipas tij, faji ëshët i qytetarëve që lahen vend e pa vend. Por kryeministi nuk përmend faktin se në këto vende, plazhe prej vitesh, minimalisht duhet të kishte një tabelë ku të shkruhej se nuk lejohet larja, apo ka rrezik, etj. Pra Bashkia dhe autoritetet e tjera të shteit duhet të lajmërojnë pushuesin që të drejtohet në vendet të sigurta, të licensuara, jo në plazhe që nuk garantojnë jetën e tij. Fajin për mbytjen e pushuesve e ka “kazani mediatik”, sipas Ramës jo qeveria, që si gjithmonë, edhe kësaj here, ky sezon e gjeti të papërgatitur. Për fat të keq mbytje ka pasur edhe në Divjakë, në Lezhë, në Durrës, në plazhe të lecensuiara nga Bashkia, por aty nuk ka roje.

Ja reagimi i Kryeministrit në facebook në lidhje me vdekjen e trefishtë një ditë më parë në plazhin e Zvërnecit, duke iu përgjigjur një komentuesi i cili pyet kryeministrin “A ka roje bregdetare aty ku i beni pushimet ju? ishalla jo, dhe paç fatin e atyre te pafateve te djeshem ne Vlore. Amin”

Rama shkruan: “Gafurr, ti s’ke faj se mendja jote xhiron vetem kur i ben thirrje barku per ushqim dhe ty eshte e kote te te mundosh duke te kerkuar te pertypesh edhe informacionet, pervec ushqimit, por meqe merr persiper kot te nxjerresh edhe fjale nga zorret, po jap informacionin si me poshte jo qe te bindesh ti se sa kot rron po qe me kete rast ta lexojne edhe te tjeret:

Pjesa e bregut te Vlores ku ka ndodhur fatkeqesia me djalin e vogel, as nuk perdoret nga bashkia si plazh publik, as nuk i eshte dhene ne asnje centimeter per perdorim subjekteve private si plazh nga bashkia. Sepse aty eshte ende ligjerisht kantier ndertimi!

Ndersa plazhi ku ka ndodhur aksidenti i trefishte ne Triport, eshte nje plazh i eger, i cili nuk eshte fare ne listen e plazheve te miratuara si plazhe nga Ministria e Ekonomise dhe Turizmit e per rrjedhoje, ashtu si ne cdo vend te botes, ku fatkeqeisht ndodhin kudo tragjedi te tilla, nuk ekziston asnje detyrim qe te kete sherbim ruajtes.

Te tjerat jane brockulla te ziera ne kazanin mediatik e politik, per arsye e qellime qe vetem me humanizmin nuk kane asnje lidhje.”

Në çdo fillim sezoni, Qeveria, në bashkëpunim me bashkitë bregdetare, duhet të hartojnë një plan masash, një paketë, jo vetëm ligjore, që do t’u mundësojë pushuesve një sezon turistik të qetë e pa probleme. Por deri më sot nuk e kemi parë. Gjithçka është e organizuar në mënyrë të çrregullt nga vetë operatorët turistikë në vend.