Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Rama flet me data fikse: Kjo është periudha kur do të shpallen zgjedhjet parlamentare 2021

Politiko 5 Qershor 2020, 08:39
Rama flet me data fikse: Kjo është periudha kur do të shpallen

Ndërsa opozita nuk ka dhënë ende një përgjigje për draft-marrëveshjen për reformën zgjedhore, kryeministri Edi Rama ka folur për herë të parë për periudhën e mundshme të zgjedhjeve parlamentare 2021, pasi të implementohet të reformës.

I ftuar në ‘opinion’, Rama tha se përdorimi i teknologjisë në zgjedhje nuk inkurajohet sipas ODIHR, por gradualisht me faza, megjithatë sipas tij nuk ka kohë të mjaftueshme.

“ODIHR kërkon gjithmonë që në nëse një vend zgjedh të shkojë në drejtim të teknologjisë, gjë që nuk e inkurajon, në asnjë mënyrë nuk duhet të shkojë menjëherë, por sugjerojnë ecje me faza, projekte pilot.

Ne donim që 2019-ta të shërbenin për të sistuar. Problemi që kemi sot është koha, kemi humbur shumë kohë se ne kemi qëndruar në pritje të opozitës.

Koha është e shkurtër. Kemi bërë edhe simulime në PS me votues dhe qendra votimi për të parë reagimin e moshave të ndryshme ndaj elektronikës, ajo që morëm nga analizat me kompanitë që bëjnë është se në momentin e kontratës deri në lëvrimin e produktit minimumi është 6 muaj. Pra, nëse kalojmë ligjin në qershor, do zgjedhim strukturën e re të KQZ, ndryshe nga kjo që është dhe besoj se jemi dakordësuar për formulën e KQZ.

Do të marrë korrikun, më pas do duhet periudhë për garën ndërkombëtare do shpallet në shtator, do kërkojë 60 ditë që shkon deri në fund të nëntorit. Ka një periudhë ankimimi për kompanitë që shkon 30 ditë. Ndaj hyjmë në vitin e ri zgjedhor në kushtet kur do të duhet të bëjmë kontratën dhe në rast se kontrata nënshkruhet në fund të janarit, mbetet shkurti dhe marsi dhe mes 15 prillit dhe 15 majit do të jetë data e zgjedhjeve, kështu që jemi në pamundësi objektive”, u shpreh Rama.

Të fundit