Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Rama-gazetarëve protestues kundër paketës anti-shpifje: Turmë që nuk lexon, me ligjin gjerman do ishit me borxhe

Politiko 18 Dhjetor 2019, 12:10

Rama-gazetarëve protestues kundër paketës anti-shpifje:

Kryeministri Edi Rama ka komentuar protestën e përfaqësuesve të medias kundër miratimit të paketës anti-shpifje sot nga foltorja e Kuvendit.

Ndërsa e ka cilësuar një temë ‘artificialisht të nxehur të ditës”, Rama tha se sipas raportit të OSBE 2017 në ¾, shteteve anëtare të OSBE, fyerja dhe shpifja është vepër penale.

“Jemi përballë një turme që nuk lexon, ne nuk duam ligj sepse çdo ligj cenon lirinë tonë. Nga analiza për të bërë këtë ligj, rezulton se ka 3 qasje ndaj fyerjes dhe shpifjes. Janë analizuar 28 tekste të ligje të BE”, tha Rama, duke renditur sipas shteteve se si dënohet fyerja dhe shpifja në publik.

“E para, 20 shtete si Austria, Belgjika, Çekia, Danimarka, Finlanda, Gjermania, Greqia Hungaria Polonia, Sllovakia, Spanja, Suedia, Italia, Letonia, letonia Malta dhe Holanda dënohet fyerja me burg.

E Dyta, Qipra, Irlanda, Anglia, Rumania dhe Estonia nuk e parashikojnë si vepër penale por e rregullojnë me pasojat tyre në ligj, me gjobën më të lartë deri në 200 mijë sterlina.

E treta, Bullgaria, Kroacia e Franca e parashikojnë dënim vetëm me gjobë si sanksion.

Ligji më i ashpër është ai i Gjermanisë. Kodi penal parashikon 11 vepra penale për fyerjen e shpifje. Është vendi ku ka më pak fyerje dhe shpifje. Nga ndikimi i rrjeteve sociale direktiv e BE është përfaruar në republikën e Shqipërisë.

Në SHBA ndërhyn byroja federale e hetimit pa vendim gjykate dhe mbyll me urdhër cdo lloj ëebsite dhe përmbajtje që konsiderohet cenuese. Nëse ligji gjerman do kishte subjekte ata te dera parlamentin, sot do ishin me borxhe për të paguar pafundësinë e detyrimeve për shkelje të drejtave të njeriut, janë shkelës të së drejtës themelore të njeriut që të mos i cenohet në publik integriteti i tij, shkelës të të drejtës së shoqërisë për të qenë e mbrojtur nga pasojat katastrofike të lajmeve të rreme.

26 nëntor ka vdekur një njeri i pafajshëm nga veprimtaria e tyre te dera e parlamentit, ka humbur jetën një baba dhe janë plagosur dhjetëra të tjerë se dikur nga ata ka nxjerrë lajmin se spitali i Durrësit po shembet dhe dalja e atij lajmi e ktheu spitalin nga një vend pritës në udhëkryqin e një kaosi me mjekë, e të sëmurë që donin të dilnin nga spitali. shkoi efekti negativ i fjalëve pa asnjë përgjegjësi. Liria e fjalës jo vetëm e drejtë, por edhe përgjegjësi. Po ata që janë atje, kanë publikuar lajmin se qeveria fshihte 100 të vdekur në morgun e spitalit, duke krijuar një situatë kaotike me familjarë që kishin humbur kontaktet, me anëtarë që ishin shëndosh e mirë”, tha Rama.