Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

"As Rama, as ndërkombëtarët dhe as opozita, nuk e sollën zmbrapsjen në Kavajë"

Politiko 6 Maj 2017, 11:40

"As Rama, as ndërkombëtarët dhe as opozita, nuk e

Lulzim Basha, një ditë pas tërheqjes së Ramës nga zgjedhjet e Kavajës, ia ka atribuar 'bashkimit të shqiptarëve, më të madhit në histori zmbrapsjen e Kavajës'. Ai ka 'shigjetuar' edhe ndërkombëtarët, duke thënë se ata 'herë dolën me deklarata dhe herë jo'.

Fjala e Bashës:

Asgjë në historinë e shoqërive dhe kombeve nuk ka rënë nga qielli; asnjë liri, asnjë territor nuk është i është falur askujt nga dikush. Gjithçka është fryt i përpjekjeve dhe qëndresave, të njërit apo tjetrit faktor. Kjo është e shkruar në historinë e njerëzimit dhe nuk ka asgjë që ta përjashtojë; gjithçka vjen përmes betejave dhe mbahet në këmbë përmes betejave, dhe sidomos kur bëhet fjalë për liritë e individit që kërcënohen. Këto janë të vërteta qindravjeçare të historisë së njerëzimit.

Dua t'u them që në këtë dritë, tërheqja e Edi Ramës nga zgjedhjet në Kavajë është rezultat i vendosmërisë tuaj dhe qëndresës tuaj. Asgjë tjetër nuk do të ndodhte përveç një gare fasadë. Në një vend kaq të dashur për shqiptarët, siç është Kavaja, ku u ngul krimi me përfaqësuesin e saj ogurzi, Elvis Roshin, ku Genc Daja donte të kandidonte gruan dhe u tërhoq duke kandiduar mëkëmbësin e Elvis Roshit. Bandat e krimit ishin bërë gati të bënin masakrën. Këtë e dinë kavajasit, shqiptarët, Edi Rama dhe përfaqësuesit ndërkombëtarë. Askush nuk kishte ndërmend të bënte gjë as Edi Rama, dhe as ambasadat që dolën disa herë më deklarata, e disa herë jo.

Deklaratat nuk do të kishin arritur asgjë nga kjo që po ndodhte. Asgjë nuk kishte për të ndodhur, por gjithçka u përmbys sepse i vetmi faktor që mund ta ndalte jeni ju. Janë shqiptarët e bashkuar që janë në këmbë, janë të vendosur dhe nuk kthehen pa fitoren totale të demokracisë në Kavajë dhe gjithë Shqipërinë.

Mos harroni se në këtë lojë ku kupola politike ka miliarda interesa, në tendera asete dhe resurse natyrore, në këtë lojë të madhe ku shiten mediat dhe lobimi, se në këtë përballje jetë a vdekje, e vetmja forcë që mund t'i ndalë jeni ju. E vetmja forcë që mund të sjellë ndryshimin më të madh është bashkimi i shqiptarëve për demokraci.

Tërheqja nga Kavaja nuk është dhuratë e lëmoshë, por është zmbrapsje e tmerruar nga projektimi i bashkimit më të madh të qytetarëve që ishte bërë gati të çlironte Kavajën, dhe nga Kavaja gjithë Shqipërinë. Të mos kemi asnjë iluzion që kthimi i zgjedhjeve të lira e të ndershme nuk do të ketë sukses pa bashkimin më të madh të shqiptarëve javën e ardhshme këtu në këtë Bulevard.

Edi Ramës do t'i tregojmë se shumica dërrmuese e shqiptarëve nuk do të pranojë zgjedhje të diktuara nga krimi dhe droga. Të vetmet zgjedhje që ky vend do të mbajë janë zgjedhje të lira me një qeveri teknike e cila do të përmbushë mandatin popullor për zgjedhje të lira.

Ju keni luftuar dhe keni arritur atë që nuk është arritur në tre vite, as opozita nuk e ka arritur. Mos e harroni: unë nuk e harroj, e njoh, e di, e kam ditur forcën e bashkëatëdhetarëve të mi. Unë e di se për ku jemi nisur të gjithë bashkë dhe e shoh dritën e Republikës së Re, në sytë e fëmijve tuaj, të burrave dhe grave që janë bashkuar në këtë protestë.

Kjo ditë po vjen, askush nuk e ndal dot. Dita e Republikës së Re, dita kur Shqipëria nuk do të jetë e politikanëve dhe oligarkëve. Zoti është me të drejtën, me shqiptarët. Kjo ditë do vijë edhe më shpejt, edhe më bukur, edhe më parë, sa më shumë të jemi, sa më të bashkuar të jemi kundër Republikës së vjetër ne grahmat e saj të fundit. Bëjini thirrje çdo të burri, gruaje të riu të bashkohet në marshimin dhe manifestimin më të madh që Shqipëria ka njohur për zgjedhje të lira dhe të ndershme, për themelet e Republikës së Re që po agon.