Flash News

Foto/ Sherr në një qendër numërimi në Kukës, policia tenton të ndalojë të riu

PD kryeson në Njësinë 2 në Tiranë

Numërohen 5 kuti në qarkun e Gjirokastrës, ja si ndahen votat

Hapen 6 kutitë e para për numërim në Kukës

Dalin shifrat nga KQZ: 42.16% e shqiptarëve brenda vendit votuan në zgjedhjet parlamentare

KRYESORE

Rama ‘ngatërron’ kombësinë e biznesmenit nordik, por pranon që e ka pritur në zyrë. Themeluesi i “Gunvor” i shpallur non-grata në SHBA

Politiko 12 Mars 2018, 22:17
Rama ‘ngatërron’ kombësinë e biznesmenit nordik, por

“Kam pritur zotërinë e kompanisë që është norvegjez”, kështu u shpreh kryeministri Edi Rama në emisionin ‘Studio e Hapur’ teksa fliste për takimin me përfaqësuesin e kompanisë “Gunvor”, e cila është përfshirë në listën e zezë nga Uashingtoni për shkak të lidhjeve me oligarkët rusë.

Por Rama ka bërë një ‘lapsus’, mesa duket me qëllim për të mos i dhënë rëndësi atij takimi, sepse asnjë nga themeluesit dhe drejtuesit e “Gunvor” nuk është norvegjez, por edhe për të fshehur një skandal edhe më të madh.  

Drejtori i Ekzekutiv, njëkohësisht themelues i kësaj kompanie, Torbjörn Törnqvist është suedez që jeton në Zvicër. Në vitin 2017, mediat e Suedisë publikuan një dokumentar ku tregonin përfshirjen e Törnqvist në skemën korruptive të naftës në Bjellorusi. Biznesmeni rezultonte se kishte bërë korrupsion me zyrtarët më të lartë të qeverisë bjelloruse, aleate e Kremlinit.

Themeluesi tjetër i “Gunvor”, Gennady Timchenko ka lindur në Armeni kur ky shtet ishte pjesë e Bashkimit Sovjetik. Përveç nënshtetësisë ruse dhe armene, Timchenko ka edhe nënshtetësinë e Finlandës. Në vitin 2014, biznesmeni ruso-finlandez u përfshi në listën e sanksioneve të Uashingtonit dhe iu ndalua hyrje në SHBA.

Rama nuk e tregoi emrin e biznesmenit që hyri në Kryeministrinë e Shqipërisë, nëse ishte biznesmeni i akuzuar për korrupsion me diktatorin e Bjellorusië apo biznesmeni i shpallur ‘non grata’ nga amerikanët.

Kushdo qoftë nordiku që Rama ka pritur në zyrën e tij në Tiranë, asnjë prej tyre dhe kompania që ata përfaqësojnë nuk është në përputhje me linjën e SHBA dhe BE që ndjek Shqipëria, pa harruar akuzat e korrupsionit që rëndojnë mbi ta.

Kush është kompania “Gunvor” që Basha akuzon se ka bërë lidhjen Edi Ramës me rusët (Vendimi që morën amerikanët)

Akuzat për rusët; Rama lë të kuptohet se i frikësohet skenarit ‘malazez’ dhe atentatit ndaj tij: Për pak ndodhi hataja

Rama mohon të ketë takuar Saimir Tahirin në spital: Nuk më ka marrë malli për të

Të fundit