Flash News

Përfundon pa ndryshime rinumërimi i votave në Durrës

Zhduket pa gjurmë çobani në Delvinë

Italia ashpërson rregullat për qarkullimin e monopatinave

E pazakontë për kohën, mjegulla e dendur mbulon bregdetin e Vlorës

Aksident në aksin Shkodër -Lezhë, një i vdekur e 3 të plagosur

KRYESORE

Rama paralajmëron një lëvizje të re politike: Nuk shoh filxhan, por do të jetë si partia e Presidentit; Reagon Kryemadhi

Politiko 22 Maj 2020, 07:31
Rama paralajmëron një lëvizje të re politike: Nuk shoh

Kryeministri Edi Rama ka paralajmëruar krijimin e një lëvizje të re politike, që sipas tij do të jetë si partia e presidentit.

I ftuar në emisionin “Real Story”, Rama shtoi po ashtu se ky informacion nuk është zyrtar, por që sipas tij lidhet me protestës për teatrin.

“Unë po iu them që shumë shpejt do shikoni një lëvizje qytetare që do të transformohet në parti. Është e lidhur me Teatrin, me identitetin, me atdheun. Siç bëri Grilo, do të ndodhë edhe këtu. Nuk kam informacion por sipas meje do të ndodhë. Ra Teatri, iku. Pse shkojnë atje? Hedhin firma. Nëse kjo është një gjëme e madhe është që të shkojnë në tryezë dhe të na shporri populli", tha Rama.

I pyetur sërish nga gazetari Sokol Balla lidhur me këtë deklaratë, kryeministri tha se shumë shpejt do të lindë një parti politike nga një lëvizje qytetare që do të jetë si partia e Presidentit. “Unë nuk shoh filxhan por do të shohim në vijim nëse kjo që them unë do të materializohet", shtoi kryeministri.

Ndërkohë, pak minuta më vonë kryetarja e Lëvizjes Socialiste për Integrim, Monika Kryemadhi u pyet në lidhur me deklaratën e kryeministrit se Ilir Meta mund të krijojë një parti, teksa ishte e ftuar në studion e “Open”.

Kryemadhi e hodhi poshtë si mundësi, megjithatë shtoi se këtë gjë e kanë shqiptarët në dorë.

“Çfarë nuk ndodh…por unë mes Metës dhe Ramës, besoj Metën. Nuk besoj të ketë ndonjë gjë të tillë në plan, por edhe nëse ndodh, e kanë në dorë shqiptarët. Por që të bësh lëvizje, duhet të jesh i ri t’i biesh Shqipërisë rreth….”, tha kryetarja e LSI.

Të fundit