Flash News

Posta e mëngjesit/ Me 2 rreshta: Çfarë pati rëndësi dje në Shqipëri

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

KRYESORE

Rama pas dy mandatesh: Bizneset e vogla me xhiro deri në 14 mln lekë s'do paguajnë tatim fitimi, ato nën 10 mln lekë s'do paguajnë as TVSH

Politiko 22 Shtator 2020, 15:44
Rama pas dy mandatesh: Bizneset e vogla me xhiro deri në 14 mln lekë

Kryeministri Edi Rama, gjatë një daljeje për mediat, deklaroi se me hyrjen në fuqi të vendimit, biznesi i vogël me xhiro deri në 14 milionë lekë të reja vjetore nuk paguan tatim fitimi, ndërsa bizneset nën 10 milionë lekë te reja xhiro vjetore nuk paguajnë as TVSH.

Ky projekt-ligj është miratuar në korrik në Kuvend dhe hyn në fuqi në janar të vitit që vjen, deri në 2029.

Aktualisht bizneset me xhiro deri në 5 milion lekë janë të përjashtuar nga tatim fitimi. Biznese me xhiro nga 5 deri në 10 mln lekë paguan normë të thjeshtuar 5%, ndërsa ato me xhiro nga 10 mln deri në 14 mln lekë paguajnë 15% tatimfitim.

Rama tha se është fakt se qeveria i ka marrë biznesit të voglë në periudhën 2006-2013, 19 miliardë lekë tatim, ndërsa në periudhën 2014-2019, biznesi i vogël ka paguar 5.3 miliardë taksa.

”Masë agresive mbështetje, unikale në rajonin tonë. Përkon me zotimin për të mbështetur çdo kënd që krijon vende pune për veten, familjen dhe të tjerët. Dhe që bëhet pjesë e komunitetit të biznesit të vogël.

Thjesht dhe shkurt. Sot me vendim të Kvuendit të Shqipërisë qysh në muajin korrik bizneset e vogla të cilat  kryejnë xhiro deri në 14 milionë lekë të reja nuk paguajnë asnjë tatim fitimi, zero. Ndërsa bizneset e vogla deri në 10 mln lekë të reja s’paguajnë TVSH, zero. Këtë mbështetje dhe kornizë në Shqipëri e ka si i vetmi pa taksa dhe pa TVSH deri në 10, pa taksa dhe me TVSH deri në 14 mln lekë të reja. Të gjithë anëtarët e komunitetit të biznesit të vogël, paguanin 10% tatimin mbi fitim. Rreth 60 mijë tatim pagues. Këto biznese jo vetëm paguanin 10%, por edhe një tjetër për pushtetin vendor. Tatim i 2-fishtë, që më pas në periudhën tonë filloi të zhbëjë deri sa vijnë në këtë moment që është historik , supernxitës për ata që merren me biznes të vogël, apo duan të krijojnë punë e 0 taksë dhe 0 tvsh, deri në 10 milionë lekë të reja, dhe vetëm TVSH deri në 14 milionë lekë të reja. Shifër domethënëse është se shteti dhe qeveria i ka marrë biznesit të voglë nga 2006-2013, 19 miliardë lekë tatim. Ndërsa nga 2014-2019, biznesi i vogël ka paguar vetëm 5.3 miliardë, ky është fakt. ”- tha Rama.

Të fundit