Flash News

KRYESORE

Rama publikoi emrat e dy regjisorëve me COVID-19, reagon e revoltuar bashkëshortja e Robert Budinës: Është gënjeshtër

Sabina Kodra, bashkëshortja e regjisorit, Robert Budina ka kërkuar nga Instituti i Shëndetit Publik që t’i kryejnë urgjentisht testin e COVID-19. Sabina ka shprehur në mënyrë të revoltuar shqetësimin se si është bërë publik informacioni konfidencial nga ISHP për bashkëshortin e saj dhe familjen e tyre.

Ajo tha se lajmi i publikuar edhe nga kryeministri Rama është mashtrim dhe se Robert Budina nuk është me COVID. Për gazetën "Panorama", Sabina Kodra ka thënë se “Ka dalë lajmi që Berti është me COVID, ndërkohë që Berti s’është fare me COVID. Kjo është gënjeshtër, kanë nxjerrë emër dhe mbiemër dhe më kanë sakatuar fëmijët. Kjo është kafshëri”.

Ndërkohë pak më parë, bashkëshortja e Robert Budinës ka bërë dhe një status në Facebook, ku i bën thirrje të gjithë atyre që i kanë kontaktuar dhe janë të shqetësuar le të bëjnë testin e COVID-19 por ju sugjeron të mos u tregojnë se kanë takuar Budinët se do i nxjerrin direkt me koronavirus.

Postimi i plotë:

Per te gjithe shoket dhe miqte qe na marrin ne telefon, por mbi te gjitha per te gjithe ata qe na kane takuar keto dite e me te drejte jane te shqetesur:

1. Nuk kemi asnje shenje Covid

2. Kemi kerkuar me insistim te vijne te na testojne femijet, por mesa duket nuk jane interesant

3. Nese keni panik sepse na keni takuar, uroj dhe shpresoj te gjeni tampone. POR MOS I THONI QE JENI KONTAKT I BUDINAVE , Se do ju nxjerrin pozitiv. Rruga me e shpejte eshte testi PST. Bejeni te vini shpirtin ne paqe

4. Nese Mondi do ishte Covid do te duhej te ishte ne terapi, por per cudi nuk ka asnje simptome asnjeeee. Si ka mundesi?

Me pak fjale shume faleminderit per telefonatat mesazhet dhe mbeshtetjen, kujdesuni per veten mbi te gjitha per trurin.

Të fundit