Flash News

E rëndë te Liqeni i Thatë, vetëv*itet me armë zjarri në makinë 38-vjeçarja

Samiti i Komunitetit Politik Europian/ Akset rrugore që do të bllokohen sot në Tiranë dhe orari përkatës

Operacion antid*ogë në Korçë, në pranga dy persona, disa të shoqëruar

Antonio Costa nuk ka një datë për anëtarësimin e Shqipërisë në BE

EMRI/ Goditi me grushte sekretarin e KZAZ-së në Kashar, shoqërohet në polici autori i dhunës

KRYESORE

Rama i rikthehet formatit të qeverive komuniste, pak ministra, shumë drejtorë…

Politiko 8 Gusht 2017, 11:09
Rama i rikthehet formatit të qeverive komuniste, pak ministra, shumë

Prej javësh qarkullon lajmi se Qeveria e re e Kryeministrit Edi Rama do të ketë më pak kabinete ministrore. Vetë Rama premtoi reformë të thellë në administrate dhe 10 është numri i ministrive që përflitet se do të mbeten.  Projekti për të lënë vetëm 10 ministri në total është më i mundshmi, që do të thotë shkurtim me 50% të ministrive aktuale, duke u dhënë më shumë kompetenca dhe përgjegjësi ministrive të ndryshme. Ministritë që nuk do të ndryshojnë janë Ministria e Brendshme, Ministria e Drejtësisë, Ministria e Shëndetësisë dhe Ministria e Mbrojtjes.

Por, nga ana jtetër, kjo ka mundësi të shtojë drejtori, agjenci, departamente të shumta, që më mirë do të ishte të mbeteshin siç janë sesa të fryheshim me nëpunës dhe ku puna do të bëhej shumë herë më pak. Përvoja ka treguar se punët nuk shkojnë mirë kur një ministri do t’i duhet të kujdeset për disa fusha të ndryshme njëherësh. p.sh, Ministria e Kulturës do t’i bashkangjitet asaj të Arsimit, me gjasë, por edhe drejtori të tjera. Mjafton të kujtojmë vetem rastin kur Ministria e Kulturës, heër kishte rininë dhe sported, herë gruan, turizmin etj. Së fundi, gjatë kabinetit Berisha kishte katër zv/ministra, disa drejtori… E njëjta gjë edhe me Ministrinë e Pushtetit Lokal apo Transporteve etj. Projekti do të jetë në tryezën e kryeministrit dhe kjo gjë do të bëhet e ditur nga vetë ai në ditët në vijim.  Kjo strukturë të kujton, deri diku, regjimin komunist ku Ministria e Arsimit ishte bashkë me atë të Kulturës, Ministria e Ekonomisë me atë të Financave, etj dhe shteti i jepte përparësi Ministirsë së Brendshme, të Jashtme e asaj të Mbrojtjes.

Në shtator të vitit 2013, ishte vetë kryeministri Rama që duke përmbushur orkesin e aleatëve, vendosi të shtojë numrin e ministrive në 19, ku së bashku me zv.kryeministrin dhe Kryeministrin, kabineti qeveritar përbëhej nga 21 qeveritarë. Në kabinetin e ri qeveritar, zëvendëskryeministri i ardhshëm projektohet të marrë edhe një portofol.

Pra në kabinetin Rama 2, zëvendëskryeministri do të ketë edhe një post tjetër ministror ku më i mundshmi është Ministria e Bujqësisë.

Ministrisë së Arsimit gjithashtu mund t’i shtohen kompetencat, duke përfshirë edhe kulturën në të. Ndërkohë që e mundshme është edhe një bashkim i Ministrisë së Financave me Ministrinë e Ekonomisë.

Gjatë fushatës, Kryeministri tha se rilindja urbane tashmë do të shtrihet në zonat rurale dhe për këtë pritet që Ministria e Zhvillimit Urban të ndryshojë ose t’i bashkohet Ministrisë së Transporteve dhe Inovacionit. Në kabinetin e ri qeveritar pritet të mos jenë më ministritë pa portofol të Marrëdhënieve me Parlamentin dhe Ministria e Pushtetit Vendor.

ALUIZNI dhe Zyra e Hipotekave pritet që të bashkohen në një agjenci të vetme, ndërkohë që duhet parë nëse do të krijohet një ministri e re, e cila do t’i koordinojë apo këto do t’i kalojnë nën varësi Ministrisë së Drejtësisë.

Sipas disa njoftimeve kabineti i ri qeveritar do të bëhet publik në gjysmën e dytë të gushtit, atëherë kur edhe raportet nga sugjerimet e qytetarëve të jenë përpiluar.

Të fundit