Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Rama rikthen Greqinë si partner strategjik: Folëm për çështje që bëhej sikur nuk ekzistonin; duam traktat midis dy vendeve

Politiko 13 Nëntor 2017, 18:10

Rama rikthen Greqinë si partner strategjik: Folëm për

Kryeministri Edi Rama e ka rikthyer Greqinë si partneritet strategjik të Shqipërisë, ndonëse pak muaj më parë deklaroi nga Kuvendi se marrëdhëniet me fqinj jugor ishin problematike dhe nuk i ngjasonin këtij partneriteti.

Në mbledhjen e Grupit Parlamentar të PS, Rama falënderoi ministrin e Jashtëm, Ditmir Bushati, dhe theksoi se ky është një moment i rëndësishëm për diplomacinë shqiptare.

Kryeministri ripërsëriti disa herë kërkesën për nënshkrimin e një partneriteti strategjik me Greqinë, ndërsa për takimin e zhvilluar në Kretë midis Bushatit dhe homologut Nikos Kotzias, Rama tha se palët i folën njëri tjetrit në sy për çështje që bëhej sikur nuk ekzistonin por që krijonin probleme dhe nxehtësi në marrëdhëniet mes dy vendeve. Ai nuk sqaroi nëse bëhej fjalë për çështjen çame apo nëse ishte arritur ndonjë marrëveshje për detin.

Fjala e Ramës:

Dua të falënderoj ministrin e Jashtëm dhe ekipin e tij për punën e kryer në funksion të adresimit të problematikave të mbartura për dekada të tëra në raport me fqinjin tonë jugor. Bisedimet e zhvilluar në Kretë kanë shënuar një moment shumë të rëndësishëm për diplomacinë tonë, por edhe për dinamikën e marrëdhënieve mes dy vendeve. Greqia për ne është një partner strategjik. Ne me Greqinë duam të kemi një traktat të partneritetit strategjik dhe jo një sërë çështjesh që shfaqen në rrugët e së ardhmes, herë pas here, për arsye të brendshme shumicën e herës, herë si gurë, herë si gjarpërinj, dhe pengojnë përparimin e këtyre marrëdhënieve, pengojnë pikërisht ecurinë e një partneriteti që është strategjik për ne, për Shqipërinë, por sigurisht edhe për ata, për Greqinë. Ne na vjen mirë që më në fund palët janë në tryezë, ne na vjen mirë që më në fund diskutimi nuk bëhet me deklarata të lëshuara në distancë dhe na vjen mirë që më në fund të gjitha çështjet adresohen në mënyrë racionale. Është një proces që vazhdon, një proces jo i lehtë, por ana tjetër, është një proces që vjen si rezultat i këmbënguljes, durimit dhe qetësië që na kanë shpërblyer në fund me këtë mundësi që të shohim njëri tjetrin në sy dhe për t’i folur njëri tjetrit hapur, që pikërisht pse për çështje që u mbajtën anash dhe u bë sikur nuk ekzistonin për vite tëra, u kthyen në një tërkuz që krijoi edhe probleme dhe momente të panevojshem, nxehtësie, në marrëdhëniet mes dy vendeve tona. Duke inkurajuar ministrin e Jashtëm dhe skuadrën e tij për të ecur përpara në këtë rrugë, duke i siguruar për mbështetjen dhe vënien në lëvizje të të gjitha atyre komenteve institucionale të këtij procesi që duhet të përfshihen tani më për të shkuar më tutje, kam shumë besim se këto çështje do të adresohen deri në fund ashtu siç duhet, dhe mes Shqipërisë dhe Greqisë do të hapet një kapitull i ri dhe ne do të bëjmë çdo gjë të mundur që kjo situatë krizash të kthehet në një situatë mundësish për dy vendet tona, duke arritur në nënshkrimin e një partneriteti strategjik.