Flash News

Alarmi i zjarreve në vend, 6 vatra ende aktive, si paraqitet situata deri tani

I dënuar në Zvicër për trafik droge, arrestohet në Qafë Thanë maqedonasi (EMRI)

Temperaturat deri në 40 gradë! Parashikimi i motit për ditën e sotme

Evazioni fiskal i ‘Bankers’, lihet në burg CEO kinez dhe ish-drejtori

Përplasen dy makina në aksin Sarandë-Delvinë, 4 të plagosur

KRYESORE

"Rama sot prishi marrëveshjen e 5 Qershorit", Basha: I frikësohet rotacionit, është më i tmerruar se Ramiz Alia

Politiko 10 Korrik 2020, 15:07
"Rama sot prishi marrëveshjen e 5 Qershorit", Basha: I

Kryetari i Partisë Demokratike Lulzim Basha i ka cilësuar deklaratat e Ramës “pro” ndryshimit të sistemit zgjedhor si një prishje të marrëveshjes së 5 Qershorit. Në një takim me gazetarët, Basha e ka krahasuar kryeministrin me ish-diktatorin Ramiz Alia, ndërsa shprehet se ai i tmerrohet rotacionit të pushtetit.

“Sot Edi Rama ka arritur një masë papërgjegjshmërie që nuk e ka pasur as Ramiz Alia në ditët e tij të fundit. Një nga rekordet që do të thyej është atë të ikjes si kryeministër i tmerruar.

Mendoj se sot Edi Rama ka thyer marrëveshjen e 5 qershorit. Në thelb ai ka prishur këtë marrëveshje për të cilën u investuan forcat politike me ndërmjetësimin e BE, SHBA dhe Britanisë së Madhe në këtë marrëveshje ishte qendrore arritja e dakordësisë për reformën zgjedhore, kusht për hapjen e negociatave të Shqipërisë me BE.

Ne si opozitë në këto 7 muaj kemi bërë gjithçka për arritjen e një marrëveshje konsensuale.

Që nga ky moment për këdo që e ndjek politikën kuptojmë se kishim të bënim me një kryeministër në panik.

Nga gënjeshtrat që kishte këputur sot ky janë gënjeshtra fanar. Sot është e qartë si drita e diellit. Rama nuk do depolitizimin e komisioneve, po donte të nxirrte komisionerët e opozitës jashtë dhe të vepronte sikurse kemi dëgjuar në përgjimet e Bildit, me Lalën me shokë.

Në momentin që kuptoj që nuk kontrollonte dot komisionet zgjedhore ishte vetë zotëria e tij që u tërhoq nga nisma”, është shprehur Basha.

Të fundit