Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Rama: Të ulim shtizat e flamujve partiakë, ne nuk kemi armiq mes nesh

Politiko 14 Maj 2017, 17:32

Rama: Të ulim shtizat e flamujve partiakë, ne nuk kemi armiq mes nesh

Kryeministri Edi Rama përmes ‘Komunikimit Javor’ komentoi mesazhin e Komisionerit Johannes Hahn sipas të cilit zhbllokimi i vettingut është e vetmja mënyrë që do të vendosë fatin e Shqipërisë drejt Europës.

Rama gjatë fjalës së tij cilësoi këtë fushatë si më të pazakonshmen ku sipas tij përballen ata që duan Shqipërinë në Europë dhe ata që e duan jasht saj. Por pavarsisht këtyre deklaratave Rama bëri thirrje të ulen shtizat e flamujve partiakë për të çuar drejt Europës flamurin Kuq e Zi.

“McAllister dhe Hahn kërkuan të bindin PD-në të kthehet në rrugën e arsyes. Me arratisjen e PD në rrugën e vetëshkatërrimit, e lëmë atë dhe merremi me letrën e komisionerit Hahn. Jo vetëm në letrën e tij, por në të gjitha komunikimet thelbi është i qartë: Reforma në Drejtësi, që do vendosë fatin evropian të Shqipërisë. PD po humbet terren në çdo orë që kalon, lidershipi i tyre i verbër po humb mbështetjen në bunkerin prej plasmani.

Demokratët e arsyeshmëm po braktisin dita ditës partinë që po shkon drejt vetëshkatërrimit. Askush nuk merret më me PD e ngujuar në mes të bulevrdit, PD është barrikada e fundit e drejtësisë. PD ka marrë përgjigjen më të troçtë, demokracia është mundësia e gjithkujt për të marrë pjesë në zgjedhe.

Qëndrimi BE ka edhe një arsye tjetër të fortë, Europa ka vlerësuar reformat, qeveria jonë respekohet shumë, ne luftojmë për të bërë shtet dhe nuk jemi lëkundur nga reforma për të bërë shtet. Ne i kemi dhënë Shqipërisë dinjitet. Ikja e PD në drejtim të paditur po lexohen si pasoja e ikjes nga reforma në drejtësi. Po të mos ishte reforma PD nuk do ta çonte ndërmend largimin nga parlamenti.

PD i ka të gjitha shanset të mos kthehet, por ska asnjë shanc të bllokojë zgjedhjet.

Parlamenti i ri në votimin e tij të parë do të zhbllokojë vettingun. Drejtësia e re nuk do të jetë vetëm fundi i pazareve por edhe fundi i një elite të korruptuar. Nëse Shqipëria që kemi sot është më e mirë se 3 vite e gjysmë më parë ku vetëm gjysma paguante taksa e energji, Shqipëria që duam do të jetë krejt ndryshe. Kjo fushatë zgjedhore është e pazakontë sepse zhvillohet mes atyre që duan zgjedhje dhe që nuk duan zgjedhje, atyre që duan të ndajnë Shqipërinë nga Europa dhe atyre që e duan në Europë.

Letra e Hahn nuk është një apel për të votuar ndonjë parti, por për të shkuar në zgjedhje dhe për të votuar për Shqipërinë europiane. Por më shumë se letra e komisionerit Hahn është flamuri Kuq e Z ii Skënderbeut dhe i Ismail Qemalit dhe patriotëve të këtij vëndi. Ky është moment për ta ngritur atë flamur më lart, për ta çuar në oborrin e shtëpisë së Europës, për ta bërë atë flamur simbolin e angazhimit politik dhe qytetar duke i ulur shtizat e flamujve partiakë që mjaft ia kemi drejtuar njëri-tjetrit duke i nxjerrë sytë Shqipërisë sonë të përbashkët. Ky është mometi për të dashur Shqipërinë më shumë se çdo parti dhe për ti provuar vetes dhe botës se ne nuk jemi armiq të vetvetes siç ka ndodhur në të shkuarën, por jemi bartësit e vetëdijes kombëtarepër rolin që na takon sot në historinë europiane të Shqipërisë tha Rama në Komunikimin Javor.