Flash News

Posta e mëngjesit/ Me 2 rreshta: Çfarë pati rëndësi dje në Shqipëri

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

KRYESORE

"Ramavirusi shtoi papunësinë e mbylli bizneset", Basha vijon takimet me sipërmarrësit e vegjël: Ne do iu kthejmë qeverisjen shqiptarëve

Politiko 19 Qershor 2020, 14:52
"Ramavirusi shtoi papunësinë e mbylli bizneset", Basha vijon

Kryetari i Partisë Demokratike, Lulzim Basha në vazhdën e tij të takimeve me përfaqësues të biznesit këtë herë është ndalur në zonën e Unazës së Re. Përmes një postimi në rrjetet sociale Basha tregon se situata në Shqipëri dhe kudo në Tiranë po rëndohet çdo ditë e më shumë.

“Ramavirusi rriti papunësinë dhe mbylli bizneset”,  shprehet kryedemokrati ndërsa thekson se me ardhjen e PD-së në pushtet do iu kthej qeverisjen shqiptarëve.

“Ne do t'u kthejmë qeverisjen qytetarëve. Ne do të bëjmë gjithçka për çlirimin dhe ringritjen e ekonomisë, për punësimin dhe mirëqënien e çdo shqiptari”, shkruan Basha.

Postimi i plotë i Bashës:

Takimet e kryetarit Basha me bizneset dhe qytetarët në zonën Unazës së Re (Ish-Astir)

Në Tiranë e kudo në Shqipëri situata po rëndohet çdo ditë e më shumë. Papunësia po rritet, bizneset po mbyllen e ndërsa qeveria duhet të ndërmarrë hapa të menjëhershme për t'u ardhur në ndihmë, ajo vijon me propagandën e ngopjes me lugën bosh.

Banorë dhe sipërmarrës të vegjël në zonën e Unazës së Re me të cilët bisedova sot, më treguan se e kanë të pamundur të shlyejnë dhe faturat, të cilat u kanë ardhur dyfish më të larta. Tarifat vendore janë rritur, çmimet janë rritur, ndërsa të ardhurat kanë rënë. Shumë prej tyre, edhe pse u ka ardhur njoftimi se kanë përfituar pagën e dëmshpërblimit për muajt e karantinës, nuk e kanë marrë atë akoma.

Në 7 vjet paratë e mbledhura nga taksat e rritura, RAMAVIRUSI i çoi tek një grusht oligarkësh, ndërsa qytetarët në ditët e tyre më të vështira, i la në mëshirë të fatit.

Sot, të gjithë e dinë se me RAMAVIRUSIN, situata për qytetarët vetëm do të rëndohet, ndërsa oligarkët, taksidarët dhe qeveritarët janë sulur të Kapin Ça të Kapin.

Kjo situatë do të marrë fund me bashkimin më të madh në këto 30 vite të shqiptarëve që duan ndryshimin. Të gjithë ata që kanë abuzuar me taksat e shqiptarëve do të japin llogari deri në një.

Ne do t'u kthejmë qeverisjen qytetarëve. Ne do të bëjmë gjithçka për çlirimin dhe ringritjen e ekonomisë, për punësimin dhe mirëqënien e çdo shqiptari.

Të fundit